الشاعر علي الماضوي المحمودي ايجيبك الدور اللي شديد سواده

من طرف المهندس المهندس 2018-08-21, 2:05 pm

إيجيبك الدور اللي شديد سواده ياطير وأسقد معاك الله
وأجبر الليل وفي تكادا وأحدر وحوش البر والخلواه
ولا أتكون كيف اللي ثقيل أرقاده وخليك متعلي علي الوطاه
بمشيت تلاتة أيام عالمغدادة المشوار هلي رايدك ممشاه
علي قيس ضي أسهيل زيد تمادا لين تهلبك سبها وهالحوماه
وميح على ليسار فوت قصاده قيس كم كيلو فوق من الرمله
بعدها أتجي لبلادنا وبلاده الشاطي اللي شط لفاد جباه
وأعمد اللي قلبه تقول رشاده واللي أمبكيني علي سباه
اوقوف علي بيته كحيل هماده وأطرق علي بابه وقول أسماه
تلقاه يخزرلك بميم سوادا لين ترتعش منه بعد تاراه
وسلم عليه وكون من النشادة وأنشد علي حاله وكيف نباه
وقوللها (علي) مازال في ميعاده ماخان ولا عمره رد وراه
الا جروح ماو لاقيلهن ضمادة عليه جايرة جور الزمان أمعاه
أفراقك وقلتهم اللي ردادة أسياد لكحيلي أن صار غزاه
وخلوت الجيب وفرقتا لوساده أتشيب اللي مازال في مرباه
ظروف حايلة بينه وبين مراده يصعب عليا عدهن نحصاه
الا أنتي جرحتي جرح ما إيتقادا ويصعب علي طب لطباب دواه
وأنتي اللي جبتيه شور أكيادا وأنتي الوحيدة اللي هواك هواه
وحتى أنكانا دس بين أفاده لعيون يشاكن بغيض كماه
ويحكي بما عنده اللسانه جاده ويشلا ويشال الله الله
وعطاني وصاة نعرف بها اللي راده وشن موقفك منه بعد دكراه
أنكانهن أدموعك أسكبن بدادة بنعرف أنك مازال في طرواه
وأن هالراي راي أزيادة وهاديك قسميتي ومن مولاه
وأنكان ماهزك الموقف هذا بعدها كلامي يختبل مسداه
وأنقولك ربي حسيب أعباده والقسم قسمه والاتجاه قداه
الا أنا توا نويب أعواده للي أموصيني أنجيب وصاه
وأنتي أكفاك الله يابعاده وهو اللي عليه أردود كل أكفاه
وفعلن لفا طيري بعد مقصاده الله يحفظه نلقانه منداه
الا جيته ماهي اللي معتادها من الغيظ يزاوا تقول قطاه
وصبا علي كتفي وهز أوتادا وقالي دواك الصبر من مداه
قتله توتن والكلام تبادا انا متوقع اللي تحكاه
وبدا كلامه لانقص لا زاده وقال راهو فيه وفيه سود أنياه
وقال راي طربانة وماي منكاده وماهز فيه قولنا شعراه
وقال راي نساية وماي نشادة أقرام حب في المكنون ما أتهواه
وقال ريت في إيديه ختم وقادة وقال قاتلي جاني اللي نمناه
الا العيشة معا اللي دازك بغدادا فقري وماعنده قداي وتاه
لاهو خواجة كاثرات أزواده ولا ورت عنده ولاو هني في حياه
وقال عالخبر واجد وجاب أحداده لين ناشت عبرة من اللي راه
قتله مشكور ياطيري بلا عدادة أتعبتك معاي وماجنيت أجناه
ولكن اللي بنطلعه ياساده خبر لازم أن يظهر إيشيع نبه
نا هلي ربوني ربات أسياده ربات حر مايرضا الظيم أن جاه
والمعيشة بعفة والوفاء بشهادة والمجد في أسطور الكتاب أمراه
والتاريخ مايرحم اللي ما راده والمجد مايغلط اللي يقراه
واللي جفاك أجفاه طق أزناده ولا تدكره وعد الله خداه