حوار بيني وبين فتاة

من طرف **العاشق الصغير** 2012-08-09, 3:25 am

حوار بيني وبين فتاة

بسم الله الرحمن الرحيم

قتلها
ما وفيتي.... انسيني العهد ولا غلاي جفيتي...رجيت منك عهد

قالت...
لا ماخنتك ...لا بينا عهد أو غلاء ولأهنتك...استاقض أروحك زين

قلتلها
نظرت أعيونك خادعه لبده .....والله الجفاء سأهل أبطول المدة ....والله أكبرت والكبر واصل حده..
أثقل السمع عندي علي اهزيتي.... ماوفيتي

قالت
النظر عندي سليم ماهو خادع....ونستسمحك كانهو جوابي لاذع

قلتلها
ليش القسوة ...ليش الجفاء والبعد ليش النسوة ...أصلك كريم منبت شديد الرسوة ...لك الاحترام مهما علي اقسيتي...ماوفيتي

قالت
أصلي كريم صحيح ... والنبت عندي ما أتهزه ريح والغلاء عندي ماهوش طيش وميح ... انصونه ابجد ان كان فيه بديت

قلتلها
ربي أيصونك ...عقلك كبير زايد جمال أعيونك...بحرك غريق صاعب علي أوصولك...الله أيسامحك فيا كثير خطيتي... ماوفيتي

قالت
ما أتقول أخطيت.... وعهدي معاك أتقول ما وفيت .... نا في الغلاء نوفي شهير الصيت....حتى لو ظالمي كثير خطاء....ولآني وعدتك شي وما كفيت...ليش أتخايل في أوهام غلا

قلتلها
عايش الوهم صحيح...بلا علم منك من هواك جريح...لأفادني تصريح لا تلميح ....قتيل الغلاء منك علي قضيتي... ماوفيتي

قالت
لا ماتعيشا.... وهم الغلاء نبيك تنفض ريشا...راهو الغلاء واعر وصعب اتعيشا....ايخليك تطيح من وهم او عناء
اقعد قوي خليك من تعشيشا راهو دمار وداء ماله دواء
منقول