سية الصاحب خير قل عددها

سية الصاحب خير قل عددها
وخير دفنها في المهْد لا أتولدها
لا تطريها
خير دفنها للناس لا اتوريها
سية الصاحب واجدين عليها
رواقيب كان جتهم ايطول مددها
ما من اللي ما يدور إلا فيها
الفتنة لها سماع يصيدها
يولع النار كان حصل بيها
طبيعة النفس عليش ما عودها
او فيه ناس فعاله الله عاطيها
للخير لا كني اشوي عددها
وانصار ما تلقى اللي تحميها
اتشد ظهرها في الضيق واتساندها
من الضي
م ما تشكي إلا الباريها
قريب رحمته ما حد يستبعدها
بالصبر نفس العاقل ايداويها
دوا اهناك ما كيفه ايحيد نكدها
معنى كلامي خوت ننصح فيها
مني أو علي، للخير بنرشدها
حالة بلادي موش غابي فيها
جميع ما ايجيها غير من حاسدها
انذكر اللي صاير زمان عليها
من طاليا دون الجفر هددها
الصمت فيه فوايد
والنصح عند العارفين عوايد
والعقل يرجح ع العقول ابزايد
كان غير خمم مصلحة أو جبدها