عطينى ارقامك ارقام غفواتك ورقم احلامك

عطينى ارقامك ارقام غفواتك ورقم احلامك
بالك منامك ايجيبنى قدامك
تعرف حنينى وكيف شوقى ليك
تلقى روح تسبح فى ابحور غرامك
وتلقى جروح مفتوحه دواها بيك
بالك اتروف وتعطف ادز سلامك
وتكفف ادموعى اللى اتسيل عليك
ايروق خاطرى بعد الجفاء بأنسامك
الله والنبى ارحم رجايا فيك
عطينى اي مايلك بيش نوصلك ونشاركك فى ليلك
نبقوا خليل وخل بيش نشكيلك
على جرالى قبل ما انغاليك
تعرف امورى ع الجفاء نحكيلك
ماللى هجرنى قبل ما انلاقيك
دار للعواطف سوق عينى عينك
دلل وقال للحب من يشريك
كمين سبله ايدور على تخبيلك
ايجى ايحاسبك حتى عل ماضيك
كذه قولى واحكى بكل ظميرك
جاوب اسوالى وسيبنى انشاكيك
يرضيك هكى ايحيروه دليلك
بالله ضيفنى انكان ما يرضيك