غثيث مرادي

من طرف **العاشق الصغير** 2012-09-29, 10:16 am

>

للشاعرالشامخ فيتوري الفاخري

>

غثيث مرادي لا ماكد ..
اشعل عاكد ..
منين انهد ..
اركيب يوم عمود ورد

غثيث مرادي ماح اشون ..
اللي امشطن ..
شكن منه واجد تعبن
اخللها والهلة رنن ..
قطا يحشد ..
ايلم امبتاته عامد
اجروحي منها اتقول اجدد ..
وهن طالن تاريخ امدد
غثيث مرادي لا ماكد
غثيث مرادي مايح شون ..
اشعل مدهون ..
نخل عيّن فيه العرحون
اتخف اللي عقله ميزون ..
بهدب اسود ..
وخزره كي ضرب القاصد ..
امعاهد ما فالعهد انخون ..
الله واحد ..
ولا ريدي نفداه بحد
ان تضنى وتخلف واشون ..
ونا جابد ..
عللها في ايوها مقعد
غثيث مرادي لا ماكد
غثيث مرادي ماح ارجود ..
اشعل مبجود ..
اركيب حايس يوم عمود
وجرحي منها مو مسدود ..
نقض بدد ..
إسّايف كاد اللي ضمد
الغايه نا صاحب ميجود ..
ونبقوا مد ..
شهرنا فالجيه واحد
انزفك بجمال وكرمود ..
وخيل اتهد ..
وبارود اتزلزيل رعد
ان متنا وفيت المقصود ..
ونستحمد ..
اجناني مكتوب مجاهد
غثيث مراد لاماكد ..
اشعل عاكد ..
منين انهد ..
اركيب يوم عمود ورد
غثيث مرادي ماح اظلم ..
كما تظليمة غيم ارجاع
كما بارق رعّاد رزم ..
جين مرادي تحت اقناع
ابيض جير امخلط بالدم ..
ثلاث نفايل فيه ارداع
احروفة نون لخط قلم ..
حجاجات إلهنّا نقداع
وخزره ترزي اللي خطم ..
غداري فرطن يوم انزاع
زبد سوداني من كانم ..
نفسا يبري في الوجاع
الها مضحك وين تبسم ..
ضوى في ظلمه دار شعاع
تقول يناصن دون خصم ..
اللي موضايقهن رضاع
ولوما بالشمله ملتم ..
ضمير مرادي حوته ضاع
كما شغل مواكين عجم ..
لها في الغطيه لطش اذراع
اشبورات وشي مسقم ..
وتمرير ورقه في الباع
علي كل اشكال منظم ..
مزوق بصباغات انواع
وهي في خيطانه تلظم ..
اسطاويه ويدين اسراع
الحاصل منها مانسلم ..
خذتني بعيوناً وساع
غلاها في قلبي روسم ..
مقيطن مو ناوي نقلاع
بنا تحكيمتها واخيم ..
اطيع فاللي له ماطاع
اللي رادع في يديه ختم ..
الزين اللي باهي لطباع
بعد يخطر وانا نايم ..
انوض مخالطني نفجاع
لفا لي من سباه ندم ..
اللي ما نا وياه ارداع
بصغر وكم تاجر يخدم ..
وضان ورباعه وقياع
بهن نطلب عين الخارم ..
اتوافق والعاشق طماع
احزام اللي لاصار ملم ..
منين لهد ..
الحيل جبد ..
احثية والدير يقند
غثيث مراد لاماكد ..
اشعل عاكد ..
منين انهد ..
اركيب يوم عمود ورد

م ن ق و ل

من طرف فرج احميد 2012-10-04, 6:19 pm

تسلم اخى العاشق

غثيث مرادي

غثيث مرادي

رد: غثيث مرادي