خطرها اشاعات امس عن مقتل خميس .......

خطرها اشاعات امس عن مقتل خميس .......

قال الشاعر نصر العبس شاعر ليبى /

مسكة خميس وموسى***
نريدوا عليها واكدة ملموسة ...بيش نفرحوا..

فقلت
نبوه قول الحــــــــــــــــــــــق ***
ومانبوا اللى كذاب ما ينطق ..
ابطلنا بطل ماللى امغير اينق ***
طولة نهار اليوم حسنا حوسه
ويقولوا بعد ساعه اساع اتحق ***
صورهم وخايف نصبحوا فالنوسه

فقال /
انخاف تبقى كذبه***
وتبقى الكذبه في خيالي عذبه ..
ونفسي تكون مع الخبر منجذبه***
ونصحا مفلم رايتي منكوسه

فقلت /
انخاف اشاعه ***
وفينا اساع ايركبوا زعزاعه
ويطلع اللى مبتور قول اكراعه ***
عايش وفيه اوصاف مالقطوسه !!

فقال /

ماعاد نبي حلم ***.
نريد كل حاجة في بلادي علم .
مسكة خميس معاه مامن زلم ***
انخاف من نتيجتها اتجي معكوسة
ويطلع اللي قالوه كله فلم ***
قاتلين سادس روح مالقطوسه

فقلت /
انريد حقيقه ***
كثرت وما هالكذب عدت انطيقه
مالصبح هالمذيع ناشف ريقه ***
مودر الجثه وين هى مدسوسه
مره يقول هناك فامعيتيقه ***
وكثّر خبر ماعد عرفنا روسه

فقال /
نبي صورة***
تكون فالاعلام وفيسنا منشورة .
.ترويج الاشاعة مالهاش ضرورة ***
عليش الحقيقة غايبة مطموسه

فقلت /
نبو جثه ***
ليش طالعه فى كل ساعه نثه
الاعلام حالته يانصر حاله رثه ***
واجذر امعاه الكذب كيف السوسه
.........................

قلت = الشاعر خالد سالم الزول شاعر ليبى

مناظرة شعرية حلوة في تصويرها
شكرا

شكرا علي الكلمات الرائعه