يكفي خلاص أعذار

يكفي خلاص أعذار
كثرن اعيوبك يا عزيز اكبار
سامحت واجد

خلاص أعذارك
كملن القيت الشوك في نوارك

خذنك مظاهر لافتات أنظارك
تمت حياتك غامضة وأسرار

برد وسلام اليوم عندي نارك
أفعالك السود امطفيات النار

لا عاد انريدك لا انجي في اصدارك
لا نريد منك نمسكه تذكار

ولا عاد انريد اندور فيه مدارك
في فلك غيرك انشوف مسار

جنك أفكار امغيرات أفكارك
وراهن مشيت ورحت في تيار

كل يوم على الخطا تما يزيد اصرارك
وتزيد في الخطاوي بينا بأمتار

ما عاد عندك بيش
كملن اعذارك غش وادوغيش

خاين وتكذب ما عرفتك ليش
بروحك طريقك في الخطا تختار

حرة حياتك كيف تبي عيش
عندك اهوايا لعبتك بالنار

يكفي خلاص أعذار *** كثرن اعيوبك يا عزيز اكبار *** سامحت واجد

الشاعر / بالقاسم السحاتى