اللي تقرضك ما تربيك

من طرف عبدالله النيهوم 2012-11-29, 7:54 pm

اللي تقرضك ما تربيك
للشاعر جلال الفقيه الفاخري

اللي تقرضك ما تربيك
ولا تنطره في العشيره

واللي مي فرس بوك ترميك
سوا عود والا صغيره

عيش دنيتك دوم خليك
انسان شهم صافي ضميره

يوم لك ولاخر عليك
كل يوم مو كيف غيره

وانكان سلت سال باريك
كريم جود تطمع بخيره

واختار م العرب ما نوصيك
ان رافقت رافق الخيره

اللي رفقته ما تدعيك
علي شي تجهل مصيره

خود راي من امبكيك
ولا راي مذهوب شيره

اللي ضحكته ما تواليك
راه انياه عكس المسيره

وادعا الخير خذ وباريك
م اللي ادعاه ربي نصيره

لا صاحبك كي معاديك
ولا الذم كيف الشكيره

ولا الصادقه كيف هاذيك
اللي معقبتها خطيره

عطاك ربنا ما نوريك
بوعقل عقله خبيره

اللي فعلها فيك يرضيك
اكفاء فعلها هو نظيرة