مراد البرعصي وابداعاته اثناء الثوره...

مراد البرعصي وابداعاته اثناء الثوره...

لنا اسنين ما رينا زراعة صابا ... اولا اشبوب في مارس قوي ميزابا

امواير بان..
الي فيه جادن عالوطاه امزان ... اومامن هويدا امعاه تاع شرابا
والي فيه صارت ثورت الشبان ... يوم 17*2 عالخرابا
مالبيضا رقت راقيلها دخان ... اولاذت علي شحات ليل عقابا
اولاذت علي لبرق او عل بطنان ... والقبه او درنا والمجاور جابا
عقاب الجبل ما فيه والي خان ... مشهورين هل فزعا اصحاب نقابا
بنغازي اوصلها مل علل طشان ... دخانها رقا تما اتقول ضبابا
قووا لحوم ثورتنا عرب زنتان ... كمين شايبن فيهم نفخ منشابا
علي اجدابيا دارت النار السان ... اوجابت سلوق بها لبيار تنابا
والساحل امعاه المرج ما تنهان ... وطن العبيد اوكلها تصابا
او لبريقا مع لانوف مي خيان ... او لعقيلة اوبن جواد دير احسابا
اونبي انقول مصراتة رفيعت شان ... حماها الله الي حماه اكتابا
اويفرن مع نالوت والرجبان ... وازواره عربهن ما رضو العطابا
صامدين كي صمدت جبل غريان ... واطرابلس انضغطت تحت مالنصابا
واتريد النقابا كلهن جيران ... الكفرة اوجالوا و اوجلة تزابا
وانعاود عللي واجهت نيران ... الزاوية عليها هابتين اوهابا
انريد ننحني لصمودها شكران ... اونفخر ابهلها كل حد واترابا
مشهورين هل نخوا ايام زمان ... ايعزو الضيف اوهل اصدور رحابا
شبابهم استشهد لا شكا لا لان ... بارك الله فيهم اوفي جيابا
او يا رب تنصرنا علي الفتان ... ابجاه الرسول اوعيلتا واصحابا
كيف نصرنا العظيم عالطليان ... هذيك ملحمة جهاد ما تغابي
اويانا اليوم انسجلو ديوان ... بدم الشهيد الي مرير اغيابا
ثرنا عللي دارنا جرذان ... اوقال نا العز او عز ما يكسابا
او هو ماليهود اللي خذو جولان ... كان قال نل ليبي اصحي تشقابا
الليبي الي ليبي محط امان ... ميخون وان جيتا لذيذ وجابا
ايخاف من الله ديما تقي عصران ... كي مصطفي عبد الجليل هذابا
هضا شايبن عندا ثنا اومقام ... الي ايريدها تصبح علي سندابا

لنا اسنين ما رينا زراعة صابا ... اولا شبوب في مارس قوي ميزابا

الله الله عليك ياشاعر الثورة زيد زيد الله ينصر دينك ابيات لهل رنة واوزان متقنة لاتفرقه ولاعنصريه هكذا يكون الشاعر الفحل

صح لسانك وتعلى شأنك ياشاعر الوطن

نتمني ان يتحفنا علي محمد زيدان بقصيدة لاصلاح ما فسد من الوطن لانه بكل بساطة ابن الشاعر محمد بن زيدان مناع صاحب القصيدة المشهورة حيث اصبحت ملحمة شارك فيها شعراء كثر والتي مطلعها(احوال حايلة بين المنام وطيبة........احوال جبدهن لناس فيهن ريبة)

بارك الله فيك ياحرباوى

كلام طيب تسلم انت ومراد

احسنت !!
شعر حماسي كان مطلوبا في تلك الفترة .
بارك الله فيكما :القائل والناقل

هناك قصيدة لشاعرا مبدع نتمني ان تكون علي واجهة منتداكم الموقر وهو الشاعر روفة الدعبوب(ماينشدو امغير لصحاب والصاحب ابقي لتجارة..وما ياسلوا ليش لحباب اللي يعرفو في اقدارة...وماينشدوا وين غياب ولايدوروا في اخباره...ولاياسلوا بيش مصاب الخاطر وما له ادباره....ولا ينشدوا بأي سلهاب يمسي امودر نهاره....ولا ياسلوا ليش لجداب اطاول وغابن امطاره.......وبقي الوطن منبوته اتراب من شين فعلنا ولحجاره......ونواطير خلنه خراب وماعاد فيه انخضاره......الله الله ما كان حلاب في ارقاب وطن داير بطاره......وقزاح وسط قرضاب ويبان جلها بنحماره....وتمير طاغي اخياب وفالدر شيحا امراره....وقرقاص طايب اطياب ومالطل فاحن عطاره.....وكشان داير عراب ومذاح والدر قاره....وخرمبا ولسلس ضباب غزير نبت في نسمة اشقاره.....خطرها إلا خاوا لشعاب ملي يقسموا في اشباره....من خوف قول نهاب بالشعر رانا عصاره......ولا المال حد لطلاب نين نشحتوا في امياره....احنا اسبابنا بس منشاب لهلب وفايح اكتاره.....واللي عاش بالقول سباب عليه ينقدع بنخساره....وعيشة ابن ادم سراب واللي يقرض الحي عاره....والوقت غر شين غلاب ياللي تفهموا بالايشاره....وما ينشدوا اصحاب للباب كنهم ايدوروا سكاره....وعلي صغرهم ليش شياب وناسيين قولت ايساره.....وين راح سمح لطناب اوين خيلنا والكباره....اوين سيلها كان زعاب وعقاربه ايديرن شراره.......وعجاج دار بالعرض قلاب من مساربه لاقراره.....ويام قوتنا كان بأسباب وكانن نواجع عماره....وكان حرثنا غير ابدواب ورضي الكل باللي امتاره....؟؟؟؟؟؟؟؟؟؟؟؟؟

ان منتداكم رائع لانه شامل ولكن ينقصه قسم خاص بالبيئة وانا علي استعداد بكل مالدي جمعية بالاغراي الاهلية للبيئة والاثار والسياحة في اتحاف منتدكم الموقر

جميلة هذه القصيدة..شكرراا

اخى ابراهيم ادريس نرحب بك وشرف لنا ان تنظم الينا ولنا ان نقبل كل مقترحاتك