عمري عليه الوطن ما ننهاكن

من طرف **dude333** 2013-01-07, 12:12 am

من روائع الكلم في حب الوطن
*****************

عمري عليه الوطن ما ننهاكن
على كيفكن سيلن ان ضاق وعاكن

والله لا نصبركن ولاننهاكن
على وطنكن سيلن ان ضاق وعاكن

ولانطريكـــــن
حتى لو بكيتن بالدما خليكن

الوطن العزيزاللى انحاز عليكن
مانلومكن واجب عليه بكاكن

مانلومكن ياانظــــاري
فى وطن حيز وفى معيشه ضاري

مطراكن يشيب غير ياما طاري
ما من ابنادم جاه كي ما جاكن

ما من ابنادم جالـــي
وما من اللي فارق اصحاب غوالي

ليام كان مالن ما يهابن والي
قليلات رافه غير ما يشاكن

ديما هاتـــــــن
وشيلن الليل سمور ليش تباتن

علي وطنكن وايام راحه فاتن
كان غيركن سيلن الحق معاكن

كان غيركن يا عيونــــي
يمكن تجلن با لعياط غبوني

من يوما نظرتن هالوطن الدوني
لاعز ريتن لازها والاكن

لاعز لاراحه ايام نظرتـن
من يوما جليتن والحجاج حدرتن

علي كيفكن حتى ان كان سمرتن
مظاليم يا لنظارفى مرباكن

مظاليم يا لنظار ياما ريتن
م الهول والمذله كيف جاي جليتن

بعد عز واجد هايفات بقيتن
خا ضعات للي قبل ما يسواكن

ديما سا لــــن
وديرن معازي واندبن وشالن

علي وطن عشتن فيه دونه حالن
جيوش النعيل اللى طغى جلاكن

يا طرابلس شورك ايامك مالن
حازك عدو للدين ما يساكن

ديما شلـــــن
وسيلن نهار وليل ليش تملن

خير البكا من كونكن تنعلن
ويكبر مرضكن كيف تكمن داكن

ويكبر مرضكن وين ما تكمنه
نلقانكن ابكن على الوطن لا تنسنه

علي بوه لايمكن بعد تطرنه
الموكر اللي موحه غرب خلاكن

الموكر اللى غالى جليتن منه
اللىكان روضه من رياض الجنه

عليكن عساكر طاليا حازنه
وفى وطنكن يحسن الله عزاكن

عمري عليه الوطن ماننهاكن
علي كيفكن سيلن ان ضاق وعاكن

الشاعر حسين الحلافي
/