اوراق قديمــــــــــــه

اوراق قديمــــــــــــه /للشاعر يونس شلبي المغربي


القيت صورتك داخل اوراق قديمه *** تفتيشت العدو يا حلوة التبسيمه

ورق متغـــــــــــاظي .... عليه تــــاركه لاجــــل ايــــرق غراضــــي
ايامن ونا شاقي سعتــــــــه فاظي .... قبل الزمان ايدولي تخميمه
وراء بنت كانت هي اسباب امراضي .... ولعند تو اتسيرلي تدويمـــه
علي وين ما تخطر ايزيد غياضـــي ... اندوخ نندهش وندور التكليمـه
اعيونها صناديق العقول اتشاضـي .... ونا بالعيون السود عندي هيمه
الحامل اكتاب الله حتي القاضـــي .... انراها ايطلق بالثلاث حريمــــه
جريت غير ما قسمت مشاء ع الفاضي .... مشوار سمح في جرت اعيون الريمه

اوراق قــــــــــــــــــلايل ....... حطيتن بعيد امعاي وماني شــــــايل
يحون غلاء بايد سريبه زايل ..... وميط ملورق تافه وعنــده قيمـــــــه
ثاريتني تالف امغير انحــايل .... لا انسيت لا ننسا امحوجب ميمـــــه
حقيت صورته روح الماقي سايل .... اتقول غير ساعته وطيت جحيمه

اوراق اندســـــــــــن ........ اوراق بوقطاطي لاوره عاكســـــــــــن
خايف ابهن يفطن ايجي يكنسن .... الياس كنسته لعزيز ومواهيمه
امحافظ عليهن ما بشر يلمسن ..... ايشوه معالمهن اتكون جريمـــه
عاتقتني وين الدموع ايخصـــــن .... اوراق للبكاء ماهن اوراق عزيمه

القيت صورتك داخل اوراق قديمه *** تفتيشت العدو يا حلوة التبسيمه

اكذبوا يا العين عليك ... عزيز كان قالولك انسي

شكراً لمروركم اخوتي

تسلم اخى ادريس انت والشاعر