مالك ومال غرامه ... خلي العقل متريح عقاب أيامه ... بلا معاكس

مالك ومال غرامه ... خلي العقل متريح عقاب أيامه ... بلا معاكسة

مالك ومال غراضه ... خطيه قبل فيه الماضية تماضا
ع الخاطر انوضن من جديد غياضه ... وراى شي فاشل خايبات أحلامه
حتى لو بناه وسقمه يشاضا ... فسارته أبياس مفسرين منامه
وعارف أخياه المختفي بأعراضه ... الخربت سريب غلاك ريت علامة ونا بغدر لا نقضى ولا انتقاضى ... ولا من نواه بغدر قلبي رامه
إلا من يخادع يخدعه بألفاظه ... غلا بغش ما يهلب مع صمامه
ومازال صابر في جفا مرياضه ... حذا زنايقك يلزم بلا لزامة
القصد موش متغلظ عليك غلاظة ... غير الهموم مقويات عزامه
ما يقرضوك إن ميعدوا قراضة ... بداية الجمال أنت وفيك أختامه
إن ريتك نزيد إيمان واستيعاضة ... بحكمة الله وقدرته وأنعامه
جبينك أضداد حمورته وبياضه ... تعادل اسود امحوجبات ميامه
اكبار في عشايش ريحهن نفاظة ... عيونك فواهق ليل جار ظلامه
غثيثك غزير إن نقظه نقاظة ... هلب نص روبك نين فات حزامه
وعارف إن كان العقل سوقك خاضه ... ضامن خساير فيه وانهيزامه
يزيده نكد وأمراض فوق أمراضه ... غلاك بخطاك مهددات أقسامه


خلي خاطري مرتاح ... الله يريحك يم العيون سماح
نويتي لقلبي لا غلا اجتياح ... غلاك للخطر يرمز بلون أعلامه
وهو للملاقه ما معاه سلاح ... حامل رموز السلم وإستسلامه
بطل في سبيل الصوب م الكفاح ... علق أعلام أبيض وفيه حمامة
مفهوم السبب واضح بلا شراح ... ظروف مالنا منهن طمع في لامه
وإن عادل غلا مهرك غلاك وماح ... وخاطرت ع اللي موجته تطامه
خايف اينوظن ف البحر لرياح ... بما يكره البحار والعوامة
يدير في طريق المارين سناح ... الجيل لولي لو كان زرب كلامه
قال من يبدد ماه ع الضحضاح ... يندم ارياه وما تفيد ندامة
وصوب ع الخطا مبني بنى موصاح ... يطول يقصر للخراب أختامه
وإن كان مقصدك تزهى بقوله طاح ... هيالك اتسير وترجعي بسلامة
وحق من أبها زادك ثمان أملاح ... من غير دق خلق تحت عينك شامة
علي نص شبعة ف المري ركاح ... إلا شبعته في وطن فيه وخامة
يموت م العطش حتى وهو منذاح ... يغريه اللصيف وع الندء يتعامى
مجرح وجارح ما نهاب جراح ... معارك وطالع من معارك ياما
مراحل الصوب اجتزتها بنجاح ... خذيت في مجالاته وسام قدامة

تسلم اخى عبدالحفيظ