اعزاز فارقوا 03

من طرف **dude333** 2014-05-24, 9:23 pm

اعزاز فارقوا
لوكان يا مطرف ما كتب مولانا
اعزاز فارقوا راهم اليوم معانا
ما كتب مولاهم

اعزاز فارقوا رانا اليوم معاهم
لكن المولى رادبه فرقاهم
ياريت ما قدر بما فاجانا
لاصبر نافع لاعزا نساهم
علي طول خلونا اعزاز حزانا

ما كتب بفراقا
اللي قبل نا وياه دوم رفاقه
خلاها اتبدد دمعتي حراقه
ما با ايجيبه حزنا وبكانا
وياس حتم ما عاد هناك ملاقه
ويوم الآخرة عالم الله بشانه

ما كتب ع الخاطر
دموعي ايجن دايرات قواطر
ساعة علي ساعة علينا خاطر
يا من يصبرنا علي نسيانا
لا جا فقيه ولا طبيبا شاطر
يعرف دوانا نين يبرا دانا

ما كتب مولايا
دموع فاطمة* قلن اليوم هنايا
رقيق عزم نا بيدي وهي بكايا
علي رابحة* حلل الله بكانا
لا نلوم عيني لا نقول كفايا
يا عز ما عندي فداك عمانا
ويلي كنتي
ويلي علينا عمر مانك هنتي
عصرانة صبايا عهدنا ما خنتي
ولاعمر صادك نقص من يالانا
الله يسامحك فيما رفقنا صنتي
علي عد ما ريتي أيام معانا

ويلي خيرة
ويلي مثيلك ما لقيت نظيره
فراقك مخلي خاطري في حيره
وحالي يبكي كل من راعانا
نلقان كسرتي ماعد الها تجبيره
يعوض علي الله ضاع شقانا

ياريت مـ الساعة امغير اعلمنا

فيها عزا للعقل وين بردنا
سبحان كيف اليوم

صبرنا ورقدنا وكيف جانا نوم
وكيف عـ البكا درنا اشداد اعزوم

وهدوم الحداد السود عنا حدنا
ورضينا وقلنا كل شي مقسوم

وبينا وبين الحزن درنا هدنا
سبحان كيف رقدنا

وجانا النوم وما تقول فقدنا