يوم الثلاثة العالمي

من طرف Abdul Saadi 2009-11-01, 12:21 am

أخر وحدة موش عادية!!!!!

ثلاثة تسبب الإحباط
الواسطة
و الديون
والمنتخب الوطني !!

ثلاثة صعب نتخلى عنها
الماء
والهواء
والبازين!

ثلاثة محتاجات واسطة
البعثات أو العمل في الخارج
والشقق
والتعيين !

ثلاثة يرفعوا الضغط
الملح
وزحمة المرور
وقناة الجماهيرية!!

ثلاثة تسبب الغرور
الفيلا
والمرسيدس
وبدلة الحرس البلدي...

ثلاثة نقول الله يهديهم
فروخ الشوارع
وشرطة العزيزية
ومشجعين نجوم اجدابيا!

ثلاثة نتمنى ما نشوفهمش
مواطن محتاج
وشلافطي مديــر
وجمرك الموانيء !

ثلاثة يأكلوا في لحوم الناس
الحيوانات المفترسة
والنمامين
والبزناسة الكبار !

ثلاثة تسبب أمراض القلب
السيجارة
والمخدرات
والمدير الظالم !

ثلاثة ما يخافوش الله
قاطع أرزاق الناس
وآكل الحرام
وعاق والديه !

ثلاثة فواتيرهم تكسر الظهر
شركة الاتصالات
وشركةالكهرباء
والمدارس الخاصة !

ثلاثة لازم نتخلى عنها
التفنيص
و البوزات
وعدم الإحساس بالمسؤلية !

ثلاثة مشاكل عظيمة تهددنا
العشوائية
والفساد الإداري
وأزمة الأخلاق

ثلاثة ما يرقدوش الليل
المديون
والخانب
والعساس

ثلاثة فاضيين
اللي كتب المشاركة
واللي حطها
واللي قاعد يقرأ فيها