فرقه الحشاشون ...

الحشاشين كانوا جماعه اسماعيليه سريه دعت لإمامة نزار ابن المستنصر. حسن الصباح أسس الجماعه فى إيران سنة 1090 فى قلعة ألموت الجبليه اللى كات مقر دعوته. أهم شئ كان بيميز الحشاشين هو لجؤهم لقتل و إغتيال أعدائهم.
الحشاشين كان بيقودهم واحد يلقب بـ" السيد " أو " شيخ الجبل " و كان هو صاحب الأمر و النهى. بعد شيخ الجبل كان فيه " الدعاه " اللى بياخدوا الأوامر منه و بينفذوها. الدعاه كانوا متقسمين على رتب حسب درجة اطلاعهم على أسرار الجماعه. أهم المراتب كات رتبة " الفداويه " لإنهم اللى كانوا بيقوموا بالإغتيالات. و كان زعيمهم شيخ الجبل بيكافئهم على أعمالهم بتدخليهم من وقت للتانى فى جنه موجوده فى القلعه و يديهم حشيش و يخليهم يمارسوا المتع.
حاولوا إغتيال صلاح الدين الأيوبي و إغتالوا الماركيز " كونراد دو منوتفيرات " وقت الحملة الصليبية التالتة.
بعد موت حسن الصباح حكم سبع شيوخ جبل، و كانت ليهم أهميه سياسيه كبيره. اتسع نطاق نشاطهم و شمل الشام. فى سنة 1256 هاجم المغول بقيادة هولاكو قلعتهم فى ألموت و قضوا عليهم، و بعدين كمل عليهم الظاهر بيبرس فى الشام سنة 1273. فضلت منهم جماعات متفرقه فى سوريا و إيران و الهند.