أوصاف بعض الناس

صاحب مبدأ*
انسان يمشي وحاط المبدأ بالامام

يمشي عكس الريح…ولا يهتم بالتهم وتجريح

وتلقاه اخر اليوم ينام..وباله مستريح

ولا يدري ان يمكن نهاايته تكون اعدام

*ضميره حي*
هذا اكبر معذب…حياته تعب في تعب

لان كل شي ماشي غلط

وهو وضميره الحي..عكس اللعب وللاسف..مكانه تحت الاقدام


*الصادق والصريح*

دايم صدقه يوقعه في متاهات

وضوحه يبعده عن اللعب تحت الطاولات

وصراحته تمنعه من أسلوب خذ وهات

لسانه ما يطري الكذب

خايف ربه…وقايم بفرضه…ويصفى قلبه

ونهايته تكون…قطع اللسان

*خدوم*

مايرد احد يطلبه في خدمه

يشتغل للناس بعالي الهمه…وحب الغير…يمشي بدمه

ونهايته تكون..جحود ونكران

*الحساس*
انسان بشعوره محتار …لان الموازين انقلبت

وصارت الرجلين… بمكان الراس

ينجرح ولا يجرح

ينغدر ولا يفكر بالغدر

ويقول هذاالقدر…وان انطعن بالظهر

يعيش بمجتمع وحشي…وهو بعيشته حيران

*الطيب*
انسان…بكل معنى الكلمة…يكسر الخاطر

يحسب الناس مثله…وينسى انه فيه الظالم

والجاحد والحاقد والحاسد…

ونهايته…نظرة شفقة واحسان


*مخلص ووفي*
يحفظ عهده…ويوفي وعده

لكنه منبوذ..يتحاشوه الشباب…

معاهم حق يتحاشوه هذه من صفات الكلاب


*اخلاق ودين*
عن المحارم غض عينه

واثار السجود على جبينه

ما ترك القران…بكل مكان وباي زمان

نوصفه بانه من صفوف الجاهلين…

ويجوز به مس من الجان


*الرومانسي*
ما يريد شي غير الحب

وان الحبيب يسكن القلب

و اذا حب…يرفع حبيبه فوق فوق

وغالبا يكون الحبيب قليل حيا وذوق

يمد يده بالوفا..ويكون جزاه غدر

واذا باعه حبيبه…اشتراه بروحه

ولا يبالي ان كان حبيبه زاد بجروحه

ولا يشتكيه حتى لو ظلمه

ولا ينوصف حالته غير بكلمة….خسران

تحياتي