حوار بين العقل والعين

العقل :
أن كان تتبعي مالك ومال سريبه ## لاعد أبكاك ولا رجاك أيجيبه

العين :
أنوح بروحي ## أتركني أنعازي في عزيز أبنوحي
ايجي الليل وينوضن علي أجروحـي ## بلا رادتـي نشتــاق ونهـاتيبه
ويبقـن أيلطـن بالدمـوع أميوحـي ## أيقجـن أنحـوس تسيرلي تضبيبه

العقل :
ليش اتسيلي ## أنكان لك طمـع في قسمهم قوليلي
لأمتـى ونا يالاك سامـر ليلـي ## وشايـل معـاك الهـم و نزازيبه

العين :
ربي غالب ## رزانـي اللي بيديه كبـدي خالب
نبكي و نرجى اللي بصوبه هالب ## فيـك مـن زمان مغير ما تحكيبه
علـيك وقت ياعقلـي عليا قالب ## زيـن لو عطـاك وشين في تقليبه
ونا باركة حملـه عليا صـالب ## لـو نهم بيه نعـثر كـي نمشـيبه

العقل :
ريدك جافي ## وناسي غلاك الـيوم جمره طافي
ونا زاد قالـع من زمان أريافي ## وطفين نـوارين الغـلا اللهـيبه
رميت القلـوع و كاسره مجدافي ## ما عاد نبحـر في بحـور مريبه
ولا نجبرك في درب فيه أتخافي ## ولا بجـرح ما يقـدر عليه طبيبه

العين :
لا تنهاني ## مازلـت نـرجى في أقدومه راني
بالك عزيزي فـي الحياة أيعاني ## ودونه ظـروفه حايـلات صعيبة
وبالك ألتمـوا فـي خفا عدواني ## وبينـي وبينه ما جـروا بالطـيبة
حتى أنكان مرجاهم لوا ذرعاني ## وحمول ياسم فوق الكتوف صليبة
مانـي قليلة خـير في حبـاني ## ولا خير في اللي ما يصون حبيبه


العقل :
مالك ومال الدي ## الله والنـبي كفـي أبكاك اشـوي
أنكان غيـر داريبك وداري بي ## أنهـالي و ما ننهى علي تسكيبـه
الا القسـم لا بيدك ولا بـيدي ## الأقســام بيد الله عالـم غيبـه
كريم ربنا ضامن أرزاق الحي ## وكـل حـي كاتبـله الله نصـيبه
وجاعل الدنيـا كل يـوم بزي ## غرورة أتقلب في أطوار غـريبة

العين :
كنك ظالم ## نحلـف عليه أمنـاي بينـا عـالم
مغـير يسعده ربي ويبق سالم ## اللي ان غاب ما ظني اتطول الغيبه
أتقول بكـواين يا عقيلي حالم ## حسيـت في نبـرة كلامـك ريبة
تحكي ومن نص الحكايه شالم ## قول خاطـري جاحد علي مصيبة

العقل :
قسيك هبله ## علـي أبكاك يا عيني ألقيتي سبله
اللـي قبـل والعـبي ونا والعبـه ## راحــن أيامه فـي الغرام ذهيبه
ويا ما نظـرنا مـن غـوالي قبله ## وياما فقـدنا مـن وجـوه حبيبـه
وراه البكـا يا عيـن بايـد حبـله ## وقـت الكـرب بالحـيل ما تعبيبه
وره ياسنا ع الصوب ضارب طبله ## الله و النبـي يا عيـن ما تشقيبـه
أيمـوت فـي شبابه ربنا كاتبلـه ## مدعـى غـلاهم قبـل ما تزهيبه

الليل :
أتسل أتركه ## لا تقــول تسكـيب الدمـوع هلكه
حنـونه وهبله والفـراق ربكـه ## لا عــارفة تكمـى ولا تشكيبــه
أمناها اللي بـروعة غـلاه ملكه ## بو عيـن سـودة و واسعة و رغيبه
وهـي غافلة وسـط الكنين معكه ## معكـة طلـيب منيـن حـاز طليبه
أندبـر عليـك مغـير لا أتلكـه ## أنت صـاحبي ومـا فيك دايـر غيبه
خليهـا أتـهيل دمـع لا تمسكــه ## حــال البكـا عـللي ألتــاع ظـريبه

العين :
ربي غالب ## رزانـي اللي بيديه كبـدي خالب
نبكي و نرجى اللي بصوبه هالب ## فيـك مـن زمان مغير ما تحكيبه
علـيك وقت ياعقلـي عليا قالب ## زيـن لو عطـاك وشين في تقليبه
ونا باركة حملـه عليا صـالب ## لـو نهم بيه نعـثر كـي نمشـيبه
العين :
ربي غالب ## رزانـي اللي بيديه كبـدي خالب
نبكي و نرجى اللي بصوبه هالب ## فيـك مـن زمان مغير ما تحكيبه
علـيك وقت ياعقلـي عليا قالب ## زيـن لو عطـاك وشين في تقليبه
ونا باركة حملـه عليا صـالب ## لـو نهم بيه نعـثر كـي نمشـيبه
العين :
ربي غالب ## رزانـي اللي بيديه كبـدي خالب
نبكي و نرجى اللي بصوبه هالب ## فيـك مـن زمان مغير ما تحكيبه
علـيك وقت ياعقلـي عليا قالب ## زيـن لو عطـاك وشين في تقليبه
ونا باركة حملـه عليا صـالب ## لـو نهم بيه نعـثر كـي نمشـيبه

قيسك ادور في الحس خوي الاسطوره ههههههههههههه
انبصر امعاك
صح السانك ولسان الي قالها بارك الله فيك

تشكر عالمرور الرائع

مشكور اخي الاسطوره واسمح لي بهذه المشاركه ولكن حوار في غناوه
العقل قال للعين
ياعوينك ايجيك منام---اتحقي اعزاز واتروقي اشوي
**********
ردت العين
منامي ايزيد الشوق---ياعوينك اللي ماريتهم
***********************
لك كل احترامي اخي الاسطوره