الخاطر جال شور دار الحباب ** وحتى كان ماتنزار ....زار

الخاطر جال شور دار الحباب ** وحتى كان ماتنزار ....زار

عهدك عهد من قبل الغياب ** ايام زمان كانت دار ....دار

لكن وين ما شرف عالركاب ** شور الدار في البحار....حار

فيها قال ساير لي ذهاب ** يافي الدار ريح اعصار...صار

امسو هنا الانقر بو طناب ** تقول اليوم بالخطار...طار

يا ها الغوش من نطح السحاب ** شاطت فيه فين نار .....نار

ايريد فسار سقد بالجواب ** اللي للدار يا فسار ...سار

يسال فيك عن نجع الاقراب ** يريد جواب من دبار...... دار

يشيل وليش وريه الاسباب ** وهي هالدار للوكار ....كار

قال الشيل من طول الاجداب ** يا من ظلم مالفجار ....جار

يامن نقص في زاد وشراب ** يا في الدار فيه اخضار.... ضار

ولا العمار من بعد الخراب ** يرد الرد للثرثار.....ثار

وبه ياعون من داير احساب ** اللي للناس للاسرار ....سار

لوقت المال يلفى بالعذاب ** وعليكم صقع ماينغار ....غار

ولا يلتام لا عنده اصحاب ** قطيع ارحام للنزار ....زار

ريت ايش دار بسماح الوجاب ** واللي للدار ماتندار ....دا


أبوبكر بوحويــــة المغربي ...

من منكم بفس الشطر الثاني من البيت التالي الوارد بهذه القصيده النادره :

يامن نقص في زاد وشراب ** يا في الدار فيه اخضار.... ضار

من منكم يفسر الشطر الثاني الذي تحته خط ؟

امس أو هو هنا الانقر بو طناب ** تقول اليوم بالخطار...طار

ما هو لنقر بو طناب ؟ في هذا البيت ...

توا انشوفو الاعضاء لو فيهم حد يعرف يا غالي
منكم نستفيد
مشكور علي المتابعه

السؤال مطروح لرواد المنتدى الاخرين يا محمد ، أنت صاحب المشاركه فنفترض معرفتك بمجمل معانيها وتفصيلاتها ، وحتى لو كنت تعرف فنطب منك عدم الاجابه الان ، الهدف طبعا هو اثراء الموضوع وفهم معاني بعض المصطلحات في تراثنا الشعبي ، بالك حتى أنا صاحب السؤال لا أعرف بعض المطلحات الوارده بالقصيده ...

كلامك صح وانا معاك في كل كلمه قلتها
روعه وجمال القصيده في معرفه كلماتها ومصطلحاتها
وارجو من كل الاعضاء المشاركه اما بسؤال عن معني او الاجابه عن سؤال وخاصه في هذه القصيده
مشكور خوي علي الاهتمام الدائم ومتابعه كل صغيره وكبيره ربي يعطيك الصحه والعافيه

الله ايسلمك خوي يوسف صح اللسانك علي الابيات الرائعه
مشكور علي المتابعه والمشاركه

مشاركة مميزة تشكر عليها