قبل غناوة علم و توا شتاوات

من طرف يوسف منعم امهدى 2010-05-11, 2:13 am

بعد موضوع .. من يتحدانى غناوة علم بى غناوة علم لى واحد من الاخوه الاعضاء ..

حبيت اندير موضوع يتكلم على نفس الفكره .. مع اختلاف النوع ..

قبل غناوة علم و توا شتاوات .. اخترت الشتاوات لانهم اسهل ..

فا من يتحداني لاكن بدون مقابل .. Laughing

.. شتاوات على الجرح و الشوق و الحب و المرهون

و العتاب و اللقاء و العين و حتى الى عنده شتاوات الضحك يحطها .

هيا المجروح يوتى روحه .. Laughing

..

نبدا بى اسم اللهــ ..

مرهونين منامى زارو .. طرت و طار النوم و طارو

عندي عين علي غاليها .. طول الليل انزازي بيها

ليش الخونه يا غيابي .. قبل القلب عليكم عابي

خان غلاي و دار السوده .. و الي مزروعه محصوده

هف قديم اضايق صدري .. ماكنت الا نرقد بدري

فرق بيني وبين منامي .. ديما جايبهم قدامي

نار المرهون المدسوسه .. تسطر كى سطير السوسه
قبل غناوة علم و توا شتاوات 158999