مصحات تونس تعج بالمرضى الليبيين

مصحات تونس تعج بالمرضى الليبيين

29/05/2010

تونس - (خاص) ليبيا اليوم- نعيم العشيبي

بمعدل تسع رحلات جوية أسبوعية تستقبل تونس القادمين إليها من ليبيا والذين لا يأتون إليها في الغالب إلا للعلاج والاستشفاء في مصحاتها فلا تكاد تدخل مصحة إلا وتجد فيها ليبيين يترددون عليها للعلاج . الطائرة التي تقل الليبيين إلى تونس تعارف على تسميتها طائرة "لاباس" كونها تستقبل بالعربات والكراريس لمساعدة ركابها للنزول. ليبيون من كافة مدن ومناطق ليبيا بأمراض وشكايات صحية مختلفة يتوافدون للعلاج في مصحات تونس ..لماذا؟

الرجاء من طرح هذا السوال الذهاب الي المستشفيات في ليبيا
ساتجد كل الاهتمام والترحيب والعلاج علي اكمل وجه طبعا والعكس صحيح للاسف ليس علي كل الامكان او العاملين ولكن الاكثر بهذا الشكل شنو تبي وين ماشي مافيش موش قاعد تعال بكرة عدي صور في الخاص مع ان المزانئة موجودة وكل سنة تزيد بالمليارات وتقول ليش العيادات التونسية كلها ليبيين من الهم والمرض وفقدان الامل في المسول اليبي الذي في الستشفي او غيرة من المصالح الحكومية ان تكون له الغيرة علي البلد وابناء البلد
ونحن نناشد الاخ القائد قائد الثورة الليبية التي قام به من اجل البلد وابناء البلد بالتدخل السريع وكشف هذه الغمة ومحسبة كل من تسول له نفسة بالمساس بالدولة والشعب
الله اكبر واعز واجل

للأسف كاملين بين تونس ومصر ... وعندنا الإمكانيات لنكون أفضل منهم
لكن لا حول ولا قوة إلا بالله العلي العظيم .
ما تخطر لا شيء يا بوفرقة راني انمد ساقي في المنتدى ونشلا بعدها ماعدش نسكت .

والله يا اخي بوفرقه كلما امر بمطار تونس ونشوف العربات الخاصه بالمرضى في بوابات المغادره الى ليبيا ينتابني شعور الحزن عما وصلنا اليه فيما يخص هذا الجانب .... السبب في تقديري هو "الاداره" ادارتنا نحن الليبيين لقطاع الصحه وانتم تعرفون معطياتها وظروفها ... ومن الاخر تخلفها بكل ما تعني كلمة تخلف.
اما بالنسبة لادارة هذا الجانب بالنسبه لتونس فهي ادرة فعاله الى حد كبير باعتبارها تشكل موردا اساسيا في الاقتصاد التونسي : تبدأ من الاستقبال للمرضى بالمطار وتنتهي بتسفيرهم في المطار وفق اجراءات واليات فعاله الى حد كبير ، مرورا بالحجز لدى الاطباء ، وكفاءة الاطباء ، وكفاءة خدمات التمريض ، وتوفر التحاليل والاجراءات الطبيه في وقت قياسي وبكفاءة مهنيه ، والتسكين في الفنادق او الشقق او المصحات باجراءات واضحة ومحدده ، وتوفر وسائل النقل (سيارات اجره نظيفه وبعدادات وامان و...) وكأنني بكل أسف اقدم في دعايه واعلان لصالحهم ... ولكن كلها تتعلق بالكفاءة في الادارة.
في المقابل لدينا كفاءات طبيه (اقصد اطباء) عالية التأهيل ، ولدينا مستشفيات متخصصه (عامه) عالية التأهيل ، اقصد بمتخصصه : مستشفى عيون ، اخر للاطفال ، اخر للحوادث ، اخر للقلب ، .....اخر للنفسيه ...،اخر للصدريه ، ...وهكذا لكل التخصصات تقريبا ... ولكن الاداره : ؟؟؟؟؟؟؟؟
اما القطاع الخاص لللصحة في ليبيا فهو مأساة كبيره باقل وصف ومن كل الجوانب حسب تقديري ، ولا يخضع الى اي معايير تتعلق بالكفاءه ...وتدخل الدوله امر ضروري وملح في هذا القطاع الخدمي الهام الحساس المتعلق بالناس.

ياخوانا المشكله هي انعدام الثقه بين المريض اوصاحب المريض واي طبيب ليبي
مهما كان الطبيب الليبي ممتاز والدلالئل لاتحصى ولاتعد على الماسي اللي صارت
وذلك بسبب عدم الاهتمام الا اذا كنت جاي بواسطه وهذي صارت معاي شخصيا من مدة اسبوعين في مستشفى الجلاء بنغازي
وياريت التشخيص كان صح
والمريض متجه الى القطاع الخاص متجه -ايقول انوفر علي روحي ونمشي لتونس وللا مصر
وربنا يستر وخلاص
وتريد تستغرب صح من كثرة الليبيبن عدي لمصر وشوف على الاقل حي مصطفى كامل بس وبلاش الاحياء الثانيه

والله معاك حق ياخوي بوفرقة

ومش غير الطيارة

تعال شوف بوابة راس اجدير والزحمة اللي فيها من السيارات الليبية

طبعا احني كلنا انقولوا في هالكلام واحني نفسنا انديروا فيه

تلقى تونس امعبيا بالسيارات والطارقات كلها الجماهيرية

والله ماتحس بالغربة تونس كلها ليبيين

طبعا هذا كله من انعدام الثقة في الدكاترة الليبيين ومش عارفة شنو سبب انعدام الثقة

وبالنسبة للمستشفيات وقلة الاهتمام فيها فتونس او مصر يخسورا فيهن بالالوفات

يعني انت بتدفع افلوس وعندك فلوس عدي للمصحات والعيادات الخاصة في ليبيا اوفر واحسن

لكن شن بتقول في عقليات الليبيين حتى اللي يوجعه راسه شوية ايقول بنعدي اندير كشف ومعاينة في تونس يحسابوها فخر

لكن كان تسكر البوابات بين ليبيا وتونس وبين ليبيا ومصر توا تشبحهم كيف يتجهوا للعيادات الخاصة الليبية

مشكور ياخوي بوفرقة