دبــلــة الــخــطــوبــة ... طـــلـــبـــات الــزواج

كان تبو تفهمو الميضوع أقروه كله مش تقرو منه شوية و تمشو تهربو

و يلى يرد يلتزم بقوانين الردود ..

بتبصولي ليه

تلتزم بالقوانين ,, أحبك ,, يا سلام تبقي حبيبي ..!!

تغلط ؟؟!!

ياااااااا ريت , عشان أمسكك أعصرك أنزل منك أعضاء جداد أحداث !!!






دبــــلــــة الــــخــــطــــوبــــة





يا دبلة الخطوبة عقبلنا كلنا...
ونبنى طوبة طوبة فى عش حبنا...
نتهنى بالخطوبة ونقول من قلبنا...
يا دبلة الخطوبة عقبالنا كلنا ...









طـــــلـــــبـــــات الـــــزواج



أحمد شاب عمره 29 عاماً .. شخص خلوق و محترم .. حالته المادية الحمد الله .. يريد الزواج من فتاة تكون ملتزمة .

تعرف على فتاة أسمها "فاطمة" و وعدها ان هوا حيجي الى البيت لخطبتها .

و فعلاً جاء الموعد .

و ذهب أحمد الى بيت فاطمة لكي يقابل والدها و يحكي و يفتح معاه الموضوع ..

دخل أحمد الى صالون الضيافة و جاء والد الفتاة "فاطمة" و تقابل هوا و أحمد .

و بداْء الحديث بينهم .

والد الفتاة : شنو أسمك .

أحمد : أسمي أحمد .

والد الفتاة : عمرك ؟

أحمد : 29 عاماً .


و بدأت الأسئلة الغليظة من والد الفتاة و كأنه داخل على حرب

شنو تشتغل ؟ .... كم راتبك ؟ .... كم رصيدك فى البنك ؟ .... عندك حوش بروحك ولا شقة ولا دار مع اماليك ؟

عندك سيارة ؟ .... شنو نوع سيارتك ؟ .... عندك ذهب ولا لا ؟


و مش مهم هذا كله بالحرام او لا


و أحمد مسكين بدي من الأسئلة زى هذا






انى مش معارض هذه الأسئلة ... لكن الأسئلة هذه مش هي الأساسية و مش هي يلى بتبني اعليها حياة بنتك ...


ليش يا أولياء أمور الفتاة ما تسألوش على معدن الرجل ...

ليش ما تسألوش ان كان الراجل يصلي ولا لا

ليش ما تسألوش ان كان يصلي فى صلاته حاضرة ولا لا

ليش ما تسألوش ان كان يصلي فى صلاته فى المسجد و يصلي فى الفجر حاضر ولا لا

ليش ما تسألوش كم حافظ جزء من القرأن الكريم

ليش ما تسألوش ان كان بار بأمه او عاق بأمه

ليش ما تسألوش ان كان مصدر رزقه حلال او حرام

ليش ما تسألوش هل رحيم بالناس يلى تشتغل تحته اذا كان هناك ناس تشتغل تحته او يعامل فيهم معاملة العبيد





الراجل مش بالفلوس .. فى هلبة رجال فلوس لكن مصدر فلوسهم حرام و عايشين ياكلو فى الحرام و صغارهم يطلعو ياكلو فى الحرام ..

و تلقاه فلوس لكن قلبه ميت و ضميره ميت و ماعنداش غيرة لا على زوجته ولا على بنته ولا على أهل بيته كله ..

تلقاه فلوس لكن بنته تطلع متبرجة .. و مرته أيضاَ تطلع متبرجة .. و ولده ما يعرفاش وين يدور ولا فى شنو ياخد ولا منو صحابه ...

و الشي هذا كله من فلوس الحرام و أكل الحرام و مصدر الحرام .. لأن الحرام يقتل القلب و يقتل الغيرة فى الرجل ..





فلهذا الراجل مش مهم فلوسه و مش مهم عنده سيارة ولا معنداش مش مهم قداش رصيده فى البنك

المهم راجل يخاف من الحرام و يخاف من ربي و يوكل فى بنتك بالحلال و يخاف على بنتك زى ما يخاف على نفسه و أكثر

و راجل ما ياكلش و ما يوكلش لبنتك الحرام و يكون قلبه حار اعليها و غيور اعليها و يخاف عليها .

و يكون راجل خدوم على راسه و خدمته حلال