غناوي وشتاوي ع الياس

1/ارضى بياسهم يا عين وانسى عزاز مرجاهم طول
2/ايام الياس مكتوبات لهن اجل يا عين يكملن
3/بعد رديم الياس شقيت نار لولاف لهلبت
4/حتى والمواير ياس غلا عزيز نا ما نتركه
5/خلصت من ديون الياس العين لا عليها ولا لها
6/رحيل خاطرى مغلوب م الياس لا بات لا ركح
7/زعما يا ايام الياس انتن معاى قيس ايش طولكن
8/زويت يا الياس عزيز بقيت لا ذرا لانى فزع
9/ستين ياس بوهن ياس ان غاب ياس ما راى دبرن
10/سقوها سموم الياس تحسابه دوا يا نويرتى
11/شارك الياس خلو يدين سبايب لطوطك يا عين
12/صيور صبرنا ماحيه الياس مو على طول عمرنا
13/العازه والياس رفيق عزيز غاب خلانى لهن
14/لو حسبت فى عقابه ياس غلاك ما شقيت باوله
15/لقيته الياس حنون يبكى معاى حالى واجعه
16/من حاش عقابه ياس غلاك ما شقينا باوله
17/نلقانك يا ياس خراب للغلا وينما عمر
18/الياس ما لقى ما يديرالقى حذاى لولاف شالهم
19/عويله الغلا من الياس ذوايح قزازين يشغلو
20/ايسير فى غلاك رجوع بعد الياس لو كان يا علم
21/مشى العقل تاجر مليون ياس جا راس مكسبه
22/انعانوه كيف الوقت غلا عزيز مع طول ياسهم
23/العين حالمه للعقل منام يا علم هو ياسهم
24/كتب الله بياس طويل العقل فى سواياك سامحك
25/تبديله غلاى بياس كواين لغيرى ما جرن
26/ربانى ونا قزون الياس بوى وانا جنينه
27/مستوحيات ياس طويل لنظار فى عزيز يوادعن
28/يريده يخص يزيد الياس فى غلانا مزارعه
29/ظلمن خاطرى ياسات نسيتهن وما نيتى لهن
30/امقيطن عليك الياس معاه ما قضيتى قاضيه
31/ديما الياس ايصير واخرى بعدها لولاف يقسمو