يا شباب أوداعا .....

هذه القصيدة للشاعر المرحوم/ الصدِّيق الصاوي أبو عريقيب العوَّامي ، يرثي فيها شبابَه المغادر ، فيقول فيها:

ســــــــــافرت تربح يا شبــــــــــاب وداعاً ... من يوماً طـــــــروف الجسم ما ينباعن
مكاتيب وأرضـــــــى بيهــــــــــــــــــــــن .. وما من كواين قبلهـــــــــــــن ناسيهن ..
لو تعدهن مُحال مــــــــا تحصيهــــــــــن .. بادَّات ما من ناس قبلك لاعـــــــــــــن
ومـــــــا من نواجع قبل باساميهـــــــــن .. كيف الوكايـــــــــــــــل وضَّبن وارداعن
بالزين والفخــــــــــر ذكرن أعلي طاريهن .. ولا راي دبَّار الضرر يتباعـــــــــــــــــــن
واليوم يرعبنَّك ويــــــن مــــا ترعيهــــــن.. سماريح بيض دْيارهن يلماعـــــــــــــن
الصبر الجميــــــــل ولا بْكاك عليهـــــــن .. طْروف جسم كانن ينفعن واخلاعـــــن
مصايب المؤمن خيـــــــر واجد فيهـــــن .. ينال أجر وذنوبه الكلّ يتراعــــــــــــــن
واذكــــــر خطاوي للصلاة ماشيهـــــــن .. حصاهن المولى سجَّلن ما ضاعــــــن
واللِّي للمعـــــــــاصي والخطا ساعيهن .. وذْنوبك اللِّي في السرّ وإلاَّ شاعـــــن
مغير توب تلقى ربَّنــــــــــا ماحيهـــــــن .. وبكرة عيونك ما عذاب يراعــــــــــــــن
ونْفوس واجده شيطانهن عاميهـــــــــن .. ديما مع طرقة عــــــــــوج يدَّاعــــــــن
إن تمَّن فقارى خاليات إيديهـــــــــــــــن .. يْذمِّن القلّ وم القضاـــــــء يجزاعـــــن
وإن تمَّن غنايا مالهن يطغيهـــــــــــــــن .. لا ينطقن بالحمــــــــــد لا يقناعـــــــن
لا يرحمن ملهوف وين يجيهـــــــــــــــن .. ولا يوم م الذكر الحكيم اخشــــــــاعن
ووينمـــــــا الموت بسكرته ياتيهــــــــن .. يرقّ عزمهـــــــــن وعيونهن يدماعــــن
وتبقى المهلــــــــة غاية أمانيهـــــــــن .. يردَّن يديرن خير لو استطــــــــــــــاعن
لو كان غير هالمرَّة الله يعفيـــــــــــــهن .. يقيمن الدِّيْن ولا ورا يقــــــــــــــــداعن
وفيه م النفوس اللِّي الله هاديهــــــــن .. سايرات في درب الصلاح وطاعــــــــن
جميع ما يْجي من ربَّهن يرضيهـــــــــن .. مهمـــــــا مقادير الحياة أنواعـــــــــــن
يْعدَّن اللِّي يوم الـــندم تخزيهـــــــــــن .. إن كان جيتـــــــهن بالحقّ لك يخضاعن
دروس في حجايج شعـــــر لك نهديهن .. ولا تعتني باللِّــــــــــــــي أقواله ماعن
واللِّي اهلبن لا تبكي على مــــاضيهن .. ما عمر قِيْل الفايتـــــــــات ارجــــــاعن
عليك بالأعمال الصالحة وتِّيهــــــــــــن .. تطمان في هناء وين القلوب افجاعـــن

مشكورررر والله على هذا الاداء والتميز فى اختيارك لك الشكر واتمنى منك المزيد

واللِّي اهلبن لا تبكي على مــــاضيهن .. ما عمر قِيْل الفايتـــــــــات ارجــــــاعن

الله يرحمه ويسامحه
مشكور اخي ابن الباديه علي القصيده الرائعه

تسلم اخى ابن الباديه قصيدة رائعة

تسلم أخي على القصيدة المميزة والرائعة ....

مشكور على ما قدمت دائماً مميز اخى الكريم

الابيات التالية نشرت في صحيفة "اخبار بنغازي"بتاريخ 20 / 1 / 2000 وهي مشاركة من الشاعر "محمد سعد الفاخري" من منطقة سلوق في قصيدة المرحوم "الصدِّيق الصاوي أبو عريقيب العوَّامي" :

يا شباب الشايب .... اللي وادعك ناظرامعاك عجايب ....
ياطول ما سافر اوروح جايب...احمول مالصعيدي فوق حيل طاعن

ويا طول ما دارن عليه جلايب...اوفرغ اوجا شايل أثنين ارداعن

اوهابتين ياما من ربيعن خايب...كلوه ابنواجع ينزلن ايتراعن

لا طقهن فتان جاب غبايب... بينهم لا تسمع شوايع شاعن

واذوادهم ايلاقنك اتقول كتايب...اوماعمرهن بين الحواصل ضاعن

امعاهن تريس اصغار لطم العايب...ارواحهم رخيصه دونها ينباعن

ابها يرحلوا كان السنين جدايب...للخالي اللي مرجع ايجوه انجاعن

أوكمين هود اتقول فيه فالت رايب...بعد جيت الرايد عليه اداعن

اوكم قور كي لون السحاب الذايب...قطعن الحاج اوهو اخطاه اسراعن

هللي اليوم حالتن عليك مصايب...حتى يظهرن للشمس ما استطاعن