كم عندك شفره مدسوسه

من طرف **STAR** 2010-06-30, 11:14 pm

غير احكيلى ليش الحوســه .... مقــفل ديـمـــــا تلفـــــونك

كم عندك شفره مدسوسه.... وكم واحد ساكن فى عيونك

يوم احميده ويوم سعد

كيف احملتى هالعدد

يلطف ربى يكون افعونك

حمـــادى قلتيــله نـــور ..... وخالد صارحتيه حنان

وسامح مشيتيه ايدور .... وناصر يحسابك ايمان

تولع شفره تطفى شفره

وهم ماهم عارفين الحفره

كـــــذابه ديما فــــى كونك

فتحــى دايرلك مــــــدار .... الليل بطوله سهرانه

ومن خوفك تبقى انتظار.... مع عادل درتى ليبيانا

وسليمان ايريدك ترضى

دايرلك بحسابه ارضى

وين اعلى دينه وديونك

كيف اســتوعبـــتى هاللمه .... وكل واحد درتيه عريس

واسمى ف الجدول وين تما ... ف الجمعه ولا الخميس

لك منـــى مليون تحيـــه

لقيت روحى مضحوك عليا

والغدر طبيعه فى لونــــك

للشاعر : نعيم الزوى