قول اشحالك ياعزيز ماظنى خطاء درنالك

قول اشحالك ...ياعزيز ماظنى خطاء درنالك...حتى امجامله رحب وقول اشحالك
سلامى رده...وان كالك عتب واتى علينا عدا
وان كان لك سبايب فى خراب امسدا...الله والنبى عنى سوق ارحالك
القيتنى ارهيف قلب ماانتحدا ...فيك الهلا والع وهن اسرار جمالك
امعاهن سرحت اسروح للى مده...وقول خاطرى نادر قليل امثالك
وقول خاطرى والعقل باعد مدا ...وعدن معاييرك وصاغ مقالك
معيارك ذهب زينك الزين تعدا...وان شاورتنى نرجاء بزوغ اهلالك
قول اشحالك ...ياعزيز ماظنى خطاء درنالك...حتى امجامله رحب وقول اشحالك
**
ماخطاء فى ظنى ...درنا معاكم ياعزيز تعنى
ولا طاف فى فكرى اعيوب ايجنى...منك ونا مادرت ولا نرضالك
ايجنك مواجع عـــ السمع مو منى ...راجع احسابك قبل ما نسوالك
عزيز نفس ولي زين العزاز انغنى ...وما نيش كيف من طرف الحرير لوالك
ومانى قليل عرف ويجرنى...دروب العوج ولقيت من يفتال
**
ماخطاء لاعيبه...ولافى طرفكم نقبلو العطيبة
وان كان لك عتب واتى علينا جيبه...ولا اتجيب خراب الغلا يسعالك
مساعى بناهن عــ الصفاء والطيبة...نضيفة وهن مثيل بـ ليالى عابرا رسالك
كيف من ايبيت فى الذراه زبيبة...هديم جرهم خايف الساع يبقالك
وكيف من عدوا جاب ايريد طبيبه...ايريد الشفاء وانت اتريد منالك
وان كان تنهدا درب العداوا سيبه...ويدك اليمنة مدها انشالك
**
قول اشحالك ...ياعزيز ماظنى خطاء درنالك...حتى امجامله رحب وقول اشحالك

امنور واجد ياحسونه قصيده رائعه بالفعل وشكرآ انتظر منك المزيد

احسنت نتظر منك الجديد

مشكور على هذة المشاركة الجد قيمة