إعلانات المنتدي
المواضيع الأخيرة
بحـث
حوار ساخن .... بين مواطن متبغدد وشوشو
3 مشترك
صفحة 1 من اصل 1
حوار ساخن .... بين مواطن متبغدد وشوشو
حوار ساخن .... بين مواطن متبغدد وشوشو, بقلم: عبد العزيز الأثرم
الحوار هنا هو من نسج الخيال لكنه يبدو أشبه بالواقع، والمتبغدد في حوارنا هذا هو مواطن ليبي لم يفهم ما يدور حوله يائس محبط دايخ ويحتاج بل ويصر أن يعرف،
أما شوشو فإنه (اسم الدلع للشيطان نعوذ بالله من شره لكنه بالحق موجود في صور عديدة في حياتنا).
يجلس المتبغدد في أحد مقاهي طرابلس المطلة على ميدان عام وبيده صحيفتان إحداهما طرابلس للإعلان، يطلب منه المضيف ماذا يحتسي فيقول له: مكياتا (ولا أدري لماذا يطلق عليها في طرابلس هكذا اسم)،
يبدأ في تصفح الصحيفة فيبدأ في الكلام مع نفسه: تكيف الراي أقل سعر الشقة ب 70 ألف دينار وكان تبي أتأجر سكن أقل سكن ب 300 دينار شهريا هذا كان حصلت ليبي أيجرك لك..... وأنا مرتبي 350 دينار في الشهر ...... يدوبك أيسدوني شهر كامل ....والعمر يجري وما درت شيء.
والخطيبة المريوحة وهلها مستعجلين وأيقولولي سقد روحك ....... تكيف الراي أزعمك شنو أندير توا أنا ..... وشرا شقة أقل سعر 70 ألف دينار يعني مرتبي كامل شي 20 سنة .... ويواصل سؤال نفسه: تي زعمك بلادنا اشتراكية ولا رأس مالية ؟؟!!...... ترد عليه نفسه في الحال: والله ما فهمت حاجة حتى أنا !!! ...
يلتفت يمينه فيلاحظ أن الجالس جانبه مواطن ممتلأ الكرش فيشرح له حاله فيرد عليه بوكرشة: حل راسك وأفطن للجو لبلاد فيها هلبة فلوس !!!! لبلاد توا انفتاح يا جاهل ومحلولة يعني سياسة انفتاح شوف روحك !!........ ويتركه ويمشي في حاله ...
يواصل المتبغدد التحدث مع نفسه عن طريقة تخرجه من محنته الدائمة ...... ويردد لخرين خير مني فيش ..اللي دارو لفلوس ........ حتي نا ليبي وعندي حق كيفي كيفهم ...... لكن كيف الراي والدبارة ؟ !!!!!!
وفجأة يستمع إلي صوت أحد ما على يساره يقول له: خيرك اتكلم في روحك يا امبحبح وشاقي .. الحل عندي انا .... يلتفت المتبغدد فيجد نفسه وجها لوجه مع الملعون شوشو ... وليأس المتبغدد يقول له: قولي كيف يا سي شوشو ...
يقول له شوشو: عارف مشكلتك فلوس وعندي الحل بشرط أدير اللي أنقولك عليه وفي عام أو اثنين بالكثير اتبحبح يا امبحبح واتشوف روحك وأدير فلوس وتتزوج المريوحة وشقة وسيارة كامري .......
يرد المتبغدد قول يا شوشو معاش عندي إلا انت توا قول شروطك .....يسارعه شوشو الملعون: الفلوس الهلبة في بلادك يندارن بالطرق اللي أنقولك عليهن: إما سرقة بالإكراه أو من غير إكراه ... ونصب علي عباد الله خوتك هلي احداك .....وتتعلم مني الكذب والإحتيال...... والتزوير في مستندات الرسمية والغير رسمية .........وتوتي روحك لخيانة الأمانة وهذي مهمة ......
وتبدا معاي في غدر أهلك وناسك اللي يأتمنوك علي مصالحهم ....وتحضر معايا جلسات الفسق والفساد في حوايز واستراحات النفاق وأني نشيلك لهم ..... ونبيك تتعلم النفاق.. يعني الشين اتقوله سمح ...والهبل اتقوله عاقل ...... وتباعدلي علي الصلاة الحقانية لكن لما تبي اتجامل في صلاة الجمعة قدام الناس موش مشكلة بس موش ديما .........يصعق المتبغدد في وجه ...توين يا شوشو وين هذين قضايا عقوبتهن 20 سنة في الحبس !!......
أسمع يا متبغدد يرد شوشو: تعرف فلان .. وفلان ...ولاخر فلان وصاحب شركة فلانة ....يرد المتبغدد كيف نعرفهم كويس هذوم اللي عندهم الفلوس الهلبة ومتريحين .....أوكي يرد شوشو أوكي هذوم سمعوا كلامي كله ودارو اللي قلتلهم عليه وشوفهم توا فوق الريح وعندهم كل شيء صح ولا لا .........
عندئذ تذكر المتبغدد سبب وجود الآلاف من الشباب الليبي في السجون من اللي يشوفو فيه ومن شوشو وتعوذ من الشيطان الرجيم وحلفاء الشيطان الرجيم علي الطبيعة وذكر الله وقال حسبنا الله ونعم الوكيل وشرب المكياتة وذهب إلي عمله لكنه إلى الآن .....لازال يتكلم أحيانا مع نفسه.
وإن شاء الله خير
الحوار هنا هو من نسج الخيال لكنه يبدو أشبه بالواقع، والمتبغدد في حوارنا هذا هو مواطن ليبي لم يفهم ما يدور حوله يائس محبط دايخ ويحتاج بل ويصر أن يعرف،
أما شوشو فإنه (اسم الدلع للشيطان نعوذ بالله من شره لكنه بالحق موجود في صور عديدة في حياتنا).
يجلس المتبغدد في أحد مقاهي طرابلس المطلة على ميدان عام وبيده صحيفتان إحداهما طرابلس للإعلان، يطلب منه المضيف ماذا يحتسي فيقول له: مكياتا (ولا أدري لماذا يطلق عليها في طرابلس هكذا اسم)،
يبدأ في تصفح الصحيفة فيبدأ في الكلام مع نفسه: تكيف الراي أقل سعر الشقة ب 70 ألف دينار وكان تبي أتأجر سكن أقل سكن ب 300 دينار شهريا هذا كان حصلت ليبي أيجرك لك..... وأنا مرتبي 350 دينار في الشهر ...... يدوبك أيسدوني شهر كامل ....والعمر يجري وما درت شيء.
والخطيبة المريوحة وهلها مستعجلين وأيقولولي سقد روحك ....... تكيف الراي أزعمك شنو أندير توا أنا ..... وشرا شقة أقل سعر 70 ألف دينار يعني مرتبي كامل شي 20 سنة .... ويواصل سؤال نفسه: تي زعمك بلادنا اشتراكية ولا رأس مالية ؟؟!!...... ترد عليه نفسه في الحال: والله ما فهمت حاجة حتى أنا !!! ...
يلتفت يمينه فيلاحظ أن الجالس جانبه مواطن ممتلأ الكرش فيشرح له حاله فيرد عليه بوكرشة: حل راسك وأفطن للجو لبلاد فيها هلبة فلوس !!!! لبلاد توا انفتاح يا جاهل ومحلولة يعني سياسة انفتاح شوف روحك !!........ ويتركه ويمشي في حاله ...
يواصل المتبغدد التحدث مع نفسه عن طريقة تخرجه من محنته الدائمة ...... ويردد لخرين خير مني فيش ..اللي دارو لفلوس ........ حتي نا ليبي وعندي حق كيفي كيفهم ...... لكن كيف الراي والدبارة ؟ !!!!!!
وفجأة يستمع إلي صوت أحد ما على يساره يقول له: خيرك اتكلم في روحك يا امبحبح وشاقي .. الحل عندي انا .... يلتفت المتبغدد فيجد نفسه وجها لوجه مع الملعون شوشو ... وليأس المتبغدد يقول له: قولي كيف يا سي شوشو ...
يقول له شوشو: عارف مشكلتك فلوس وعندي الحل بشرط أدير اللي أنقولك عليه وفي عام أو اثنين بالكثير اتبحبح يا امبحبح واتشوف روحك وأدير فلوس وتتزوج المريوحة وشقة وسيارة كامري .......
يرد المتبغدد قول يا شوشو معاش عندي إلا انت توا قول شروطك .....يسارعه شوشو الملعون: الفلوس الهلبة في بلادك يندارن بالطرق اللي أنقولك عليهن: إما سرقة بالإكراه أو من غير إكراه ... ونصب علي عباد الله خوتك هلي احداك .....وتتعلم مني الكذب والإحتيال...... والتزوير في مستندات الرسمية والغير رسمية .........وتوتي روحك لخيانة الأمانة وهذي مهمة ......
وتبدا معاي في غدر أهلك وناسك اللي يأتمنوك علي مصالحهم ....وتحضر معايا جلسات الفسق والفساد في حوايز واستراحات النفاق وأني نشيلك لهم ..... ونبيك تتعلم النفاق.. يعني الشين اتقوله سمح ...والهبل اتقوله عاقل ...... وتباعدلي علي الصلاة الحقانية لكن لما تبي اتجامل في صلاة الجمعة قدام الناس موش مشكلة بس موش ديما .........يصعق المتبغدد في وجه ...توين يا شوشو وين هذين قضايا عقوبتهن 20 سنة في الحبس !!......
أسمع يا متبغدد يرد شوشو: تعرف فلان .. وفلان ...ولاخر فلان وصاحب شركة فلانة ....يرد المتبغدد كيف نعرفهم كويس هذوم اللي عندهم الفلوس الهلبة ومتريحين .....أوكي يرد شوشو أوكي هذوم سمعوا كلامي كله ودارو اللي قلتلهم عليه وشوفهم توا فوق الريح وعندهم كل شيء صح ولا لا .........
عندئذ تذكر المتبغدد سبب وجود الآلاف من الشباب الليبي في السجون من اللي يشوفو فيه ومن شوشو وتعوذ من الشيطان الرجيم وحلفاء الشيطان الرجيم علي الطبيعة وذكر الله وقال حسبنا الله ونعم الوكيل وشرب المكياتة وذهب إلي عمله لكنه إلى الآن .....لازال يتكلم أحيانا مع نفسه.
وإن شاء الله خير
-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
![حوار ساخن .... بين مواطن متبغدد وشوشو 1962855 639069339475914 1092812185 n.jpg](http://www.herosh.com/download/11195815/1962855 639069339475914 1092812185 n.jpg.html )
حبة مسك- مشرف
-
عدد المشاركات : 3906
العمر : 60
رقم العضوية : 263
قوة التقييم : 57
تاريخ التسجيل : 12/06/2009
رد: حوار ساخن .... بين مواطن متبغدد وشوشو
مشكور وبارك الله فيك على ما قدمت مميز دائماً
-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله
![-](https://2img.net/i/empty.gif)
» حوار ساخن بين ذكر وانثى
» كاكاو ساخن بالكراميل
» كاكاو ساخن بالكراميل
» شتاء إعلامي ساخن في الزاوية
» صيف ساخن جدا في برشلونة مع التعاقدات والمفتاح في جلب او
» كاكاو ساخن بالكراميل
» كاكاو ساخن بالكراميل
» شتاء إعلامي ساخن في الزاوية
» صيف ساخن جدا في برشلونة مع التعاقدات والمفتاح في جلب او
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
» ألقوا طفلاً من الطابق الخامس أثناء سرقتهم مسكنا
» بماذا ينذر الشخير العالي؟ دراسة تجيب
» جراد البحر الياباني ...
» الصلاة علي رسول الله+الاستغفار+ذكر الشهادة+كفارة المجلس
» مباريات اليوم السبت 29/6/2024 والقنوات الناقلة
» رحلة إلى القاهرة.. كورنيش النيل وجهة سياحية لا تفوت
» تطورات مفاجأة في مشاركة محمد صلاح في الأولمبياد
» هل تتأثر الشهية بحرارة الصيف؟ اليكم آخر الدراسات
» الكنافة بالجبنة العكاوي والموزاريلا
» أفضل الهواتف الذكية الداعمة لتقنية الشحن السريع
» دول عربية تقرر قطع الكهرباء لساعات محددة يوميا بسبب الحرارة
» مباريات اليوم الاربعاء 26/6/2024 وقنوات الناقلة
» إيفرتون يمدد عقد أشلي يونع
» لماذا النانو سيراميك لزجاج السيارات غير مخالف للقانون؟ وما مميزاته؟