عليش جاحده ياروح ما جضيتي..

من طرف عين التميمي 2009-02-28, 6:38 pm

عـليش جـاحـده يـاروح
الشاعرالمرحوم : روفه الدعبوب الرفادى

عليش جاحده ياروح ماجضّيتي .. إلا من كبيره فى الفواد كميتى

يا روح مـا ادردرتى .. الامن كبيره فى لفواد حجرتى

وين خاطرى جوه اصفى عكرتى .. ابضيق فى النفس راحه مع تنهيدى

مامن كواين واجدات نظرتى .. فى الخيروالزها مامن عجب حقيتى

لا ابخيرعمرك مشيتك غيرتى .. ولاابقل ميجودك اصحاب جفيتى

كيان خاطرى جحداك به دمرتى .. الله والنبى سهرى ابما راعيتى

عليش جاحده ياروح ماجظيتي .. الامن كبيره في الفواد كميتي

عليه انصلى .. وذكره نبينا فى الهموم إيجلى

انت هواللى بالك التبن اتخلى .. فوق من شعيرى اتفوتنى ابليتى

ساهل او مو واعر وفيدك حلي .. حلال للمشاكل وما اتفك لويتى

ديرلى قصيده ابهاالناس اتسلى .. بالحيل كان هي كبرت عليك قضيتى

تضربلى امثال اسماح وتهّللي .. تقنعنى اتخلى مصيبتى تسليتي

عليش جاحده ياروح ماجضيتي .. الامن كبيره في الفواد كميتي

عرمى ع الديسه .. حتى افراش السو له تنكيسه

انتى هى اللى جدت عليك حسيسه .. ياروح ما عمرك ابها شاكيتى

اسحى ابليس النفس وتوسويسه .. واوعى اتكونى فى اخطاه مشيتى

واوعى ايغرك رونقه او بصيصه .. توطى اتضلى كان فيه وطيتى

نا الصيت عندى كى الجوهره النفيسه .. صحيح نااللى فانى وباقى صيتى

ويجن اوقات تفصيلك انقول انقيسه .. لانلقاه لوثوبى ولا طاقيتى

عليش جاحده ياروح ماجضيتي ... الامن كبيره في الفواد كميتي

لكم مني الف تحيه ....عين التميمي ......