اجمل ماغنى الشعراء على العزم والصبر

القيت عزم لك يادار .....وجيتك بعد قول مايجي
عبدالكافي البرعصي
علي نين تاق عزيز ......العزم درت روحي دايره
عبدالعزيز العوامي
امغيرمتقيه بعزم ........عزيز فاهقه ماله ذرا
سليمان الشريمة
تروقي اتديري عزم ....بلا عزيز قولي يا الله
جمعة العقوري
العزم وين طاحن فيه ...اللي مابكن يوم ياسم
ونيس المذراب
ع العقل كيف دار اعزوم ...عند ايش ياغنايا اتشوموا
عيسي بوالقوالة
اعزوم من اعزومي خير ....القي عزيز وانسيني بهن
عمر بوزرقون
اللي نقول دارت عزم ....ايدونك بكت وين قابلوا
فضل الله ادريس
بعد غلاه صار خطاه ....ربي غناه والخاطر صبر
سالم الفليليح
هلل عزيز قاس يبان ......امغير يا معاجيل اصبرن
مرعي الفاخري
لنظار يوم ياس عزيز...اصبرن غير ياريتن بكن
محمد الحرقوص
في طولة الجوبة عزم ....اجارن اشوي يا اسنينا
الناجي بو جهيم
اللي يقول عندي عزم .... انراهنه غلي دار خالية
محمد البدري
باهي اللي لوهام ....القيت عزم واتاوقتن
سعيد يحيي
الصبر مو افدا لولاف ...امغير واخذه فيهم عزا
محمد الصنقري
صابر اقبال الناس ....وعابي علي نوع في خفا
عبدالفتاح العقيبي
حتي الصبر كديناه....همومنا اللي ما حوددن
علي طاهر حوا

العزم وين طاحن فيه ...اللي مابكن يوم ياسم
انعم انعم جميلة هذه

للوقت صبرنا لله.........نشكوبه لغيرا ناثمو

مشكور علي الطرح الجيد

اشكرك على المشاركة الطيبة يامنور المنتدى لك تحياتي واحترامي

العزم وين تلقوا فيه.........تنسوا العين ياناسيينها

القيت عزم بيش انسيت *** زعما بيش سهوك غيرنا

تحياتي على المشاركة والرد القوي اشكركم

اللي جابلها نار غلاك *** يجيبلها عزم وتنساك
وسلمتوا

عديت في عزوم العرب القيت عزمي رقيق بينهم

عزمي رقراق وما يابا يعيش شبابه بلا عاشق هو طال غيابه
عزمي رقراق ووجعه شين يدير الزين يلاقي كفاته في لاخرين
ايدير الزينه ينصدم وتجيه عقبها الشينه من اصحاب صوب وغاليين علينا تاريتهم لعزوم مالهم فينا مفيت بخت ربي جابه لينا وهذا هو حال عزومي معاه

بنت ازويه كتب:عديت في عزوم العرب القيت عزمي رقيق بينهم

عزمي رقراق وما يابا يعيش شبابه بلا عاشق هو طال غيابه
عزمي رقراق ووجعه شين يدير الزين يلاقي كفاته في لاخرين
ايدير الزينه ينصدم وتجيه عقبها الشينه من اصحاب صوب وغاليين علينا تاريتهم لعزوم مالهم فينا مفيت بخت ربي جابه لينا وهذا هو حال عزومي معاه

بنت ازوية
اشكرك على المشاركة الطيبة ونتمنى منك المزيد ولك احترامي وتحياتي لكي طيب ليبيا

الي نقول صاحب عزم.........نرموا عليه يبكي قبلنا
سعد انويجي العبدلي