حب الشاب الليبي

مشكوراخي علي الكلام الرائع صدقت فية
تحياتي

كلام المارد صح...
لانه مشكلتنا انه نفتح قلبنا لاي حد بدون تفكير لو الوحدة فكرت قبل توقع الفاس في الراس راه ما يسير شئ
ربي يهدينا ويهدي الجميع ويارب تهدي الشباب الي من النوع هذا والي يعده على بنت الناس يشوف بس ويحط في باله انه عند اخت ..
مشكورة مميزة دائما بمواضيعك الرااائعة..

نحنا السبب يعني
مشكورة علي الكلام الواضح
تحياتي

المشكلة مش في من السبب
لو تشوفي من الخسران في النهاية اكيد البنت لانها لما تحب والشاب يتركها
من الي تعاني هو يمشي يلقى مليون غيرها وما يسرله شي
بس البنت هي الي تقعد اتعاني ومن تلقى بسهولة يداويها او بالاصح انسان اخر تثق فيه فهمتي علي..هي نظرتي ..مشكورة

فهمت عليك اكويس كان ما فهمتك من يبي يفهم

كلام صح وكله تمام (الا من رحم ربي ) لكن
البنات عرفات الشي هضا ورضيات (الا من رحم ربي )
وهي دائره او حلقه هوا ايدير وحده ثانيه وهيا ايجيها واحد ثاني
وكذالك نين كل حد ايطيح علي راسة ويحب ويجوز
الزبدة : موش الشاب بس الي غلطان
وكذلك حتي البنات في منهن الي فتحات كم جبه ولي تصدف منهن تمام
مشكورة جلنار علي الموضوع ومازال للحديث بقية

هو اكيد كلا الطرفين غلطان بس البادي هو الاغلط ومعروف من البادي
اكيد للحديث بقية من باقي الاعضاء
مع شكري لك علي المشاركة

شوفي جلنار البادي البنت موش الشاب لانه الشباب ما سكن وعشش الا كان في سبب من البنت الي جذبت الشاب بطريقه ما

ماعليش جلنار انا شاب وعارف
مستحيل شاب يسكن لبنت ابروحه ابروحه ضروري في سبب من البنت

وايش رايك لوقلتلك ما فيش سبب مرات ومتأكدة الواحد ابروحة يبقي
ههههه الا عاد معناها حالة ادرة هذي
مشكور يا احميدة

اكيد نادره او الشخص مريض

ممكن

صدقيني جلنار موضوع طوييييييل
والزبدة الصح انه الواحد ايراعي ربي في كل امورة سواء البنت او الشاب

صح كلامك وانشاللة الجميع ينتبهو علي موضوع كيف هظ لانة موش بالساهل عالبنت اتصير حكاية كيف هذي

الغلطانا البنت المفروض بعد العلاقة بشهر انقول تعال اطلبني من اهالي ونشوف ايش ايقول على هذا الاساس تحكمي عليه يبيك او لا

المفروض ..لاكن حتي اسبوعين ماعدن عالموضوع هظ مثلا مثلا يعني ايش يصير للبنت

لا اسبوع لا اثنين
ولا حتي ساعه
طول من اول ما بدا ايتحكحك قوليله وريني عرض اكتوفك وعدي لبابا او قول لماما اتجي لماما

اهاا صح مزبوط
باهي وكان تما ايرقد فالريح ونا مازلت وموش واتي وما الي ذالك
ايش ايصير ؟؟

خلاص قوليله كمل عقاب رقادت ريحك في المربوعه وحذا خواتك
البلاد امعبيه خدمه مصريه وسوادين دارو حواشين وسيارت
وانت موش قادر تجوز

تمام
وكي تبقي البنت انسانة ماتحبش تجرح حد وتبي تاخذ الامور ابساطة وعفوية وتقولة نرجاك وما يهمك شئ علي اساس هو واثق من نفسة
ايش يصير ؟؟

انقوللكم لا راقد ريح ولا غيره
كل بنت تنطمر في حوش بوها نين يدق الباب ويجي الي قسمه ربي وبلا وجيعة راس وبلا حب بلا وجع قلب

توا بلعقل صاح هي موش شروه وبيعه والبنت ماهيش سلعه كيف تبي تجوز وتبني حوش وانت راقد ريح وماعندكش
والله ماعنده وجه ولا ايتحشم الي يقولها او
هوا اصلن موش ناوي الستر وهي هذي الي صح
ولو البنت طاوعاته وخذت ابكلامه هي الي اتحمل نتيجه الثقه الزايده وتهورها

ومع ذالك النقاش لم ينتهي

خلا عنك مش كلهم كيف بعضهم وكيف ماقالو الشباب كله على البنت هي اللي تفتح واتسكر الطريق

ماشي اللة غالب علينا
مشكور علي رائيك

الكلام هذا كلة بالعكس توا البنت هى الى تكذب وهى الى تكلم عقاب الليل وما هى دايرة احترام لا لأخوتها ولا لامها وباتها البنات توا عطهن دعوة كذب ونفاق وكل ليلة مع واحد لغاية اوجوة الفجر

اكيد مو كل البنات لكن الاغلبية بهذا الشكل كل يوم مع واحد ومرات فى الليلة تحكى مع كم واحد تسكر من هذا وتحكى مع هذا .... هذا كلام حقيقى وعن تجربة ويرقدن ع الفجر ويوعن الساعة 1 فى الظهر هذين فية بركة لا فيهن بركة ولا طاقتهن ومسلسلات تركية ويشبهن فى ارواحهن بالممثلات التركية ويقلدن فيهن والى ديرها الممثلة التركية فى المسلسل اتقلدها هى فى الليل مع الشخص الى تحكى معاة

مشكور عالمرور والانفعال