عبرعن وضعك الحالي بغناوه او شتاوه

تذكير بمساهمة فاتح الموضوع :

السلام عليكم ورحمة الله وبركاته

انا اليوم جبتلكم موضوع جميل وشيق

وانشالله يعجبكم وتشاركوني فيه

فكرتي ان كل عضو يخش هنا يكتب غناوة علم تعبر عن حالته النفسية

وبراحتكم الغناوة تكون من تأليفكم اونقل او اقتباس من اي شاعر

المهم انكم تكتبوا غناوة اتعبر عن حالتكم النفسية

كل يوم غناوة جديدة طبعا لان كل واحد فينا حالته النفسية تتغير كل يوم عن يوم

يعني نبي مشاركات متتابعة يوميا

ونبي نشاط وتفاعل من كل الاعضاء

يلا نبدوا

في العقل ياضنا الاجواد....اكبر مكان ديما عندكم

مايهمك شي امسح كبدك

ياشوفه
ودك غير اتعيط عيطه ...لين اتشيل الوطن ابحيطه

خلاص تهنو يالقدم ,,,,,,,,,,,,,,,,البيت كرب روحا والتم

زكمه وكحه سطير راس ورقبتي منبحه .......بعد غاب عزيز غابت علي الصحه

متقاوي سطير الجرح::::::وللعيطه جهد ماعندنا

ليالي مضن وايام ........طلبنا الله لا يعيدهن

الخاطر متضايق بالحيل ......اكره ما يكره جي الليل

[size=21]مرات عالوهام انحوس.........اومرة انقول مالي اومالها[/size]

مليان دمع نا وياك...............خطي بي الدوج وباعدي

يبقى حزين لين ايموت ...الخاطر عزا في افراقهم

ياسماعيل:

حتي ع الوساد اتسيل ,,,,,,,,,,,,,,,,,,,,,,,,العين عندها وان بلبكاء

يالبعيد امغير اطريني ماني طامع فيك اتجيني

كبيرة يا القديم علي @@@نبحت فيك ومانك لي

يالقديم نويت النسوه..........انشاءالله غير جديدك يسوا

علي من تخطر يالقدم ,,,,,,,,,,,,,,,,,,,جيرا وقرابا ف الدم

مريض الخاطر يا الاولاف *** مرض واعر سموه ارياف

--------------------------------------------------------------------------------

عليكم ننشد كيف الحال ...انسيتونا ولله مازال