سلام خاص وطلب للاعضاء من العضو المميز التمساح

تم يا غالى ان شاء الله تكون رائعة جداً الرحلة القادمة وانا اظم صوتى الى صوتك واطالب برحلة اكبر واحسن من قبل اخى رؤوف وفى انتظار الموافقة من البقية

الله ايسلمك وايسلمة ومشكور يابركة
بخصوص الرحلة جاهز

الله يطمن قلبك طمنتنا علي الأخ العزيز التمساح له مدى غائب وقد سألت عنه عدة مرات وبعثت له رسائل , وقد اتضح أن لي به قرابه...
اشكرك اخي استار .. هذه عادات منتدانا السؤال عن الغائبين .... أما بخصوص الرحلة فنحن في انتظار البلاغ عن الموعدوإن كان تريدوا الجبل فنحن جاهزين... للجميع سلامي وتحياتي ...

رؤوف عوض الجبالى كتب:الله ايسلمك وايسلمه حتي نحنا امرايفين علية وان شاء الله انديرو زرده خير من الاوله ويكون عدد الاعضاء اكبر من قبل ....

مش تمشوه وتخططوه من غير ما اتقولونا

الله ايسلمه ويسلم من جاب سلامه

والله ليه وحشة تمساحنا الغالي

ربي ايرده لينا وينورلنا المنتدى بوجوده وبمواضيعه الرائعة

تنشد عنه الصحة والايام الطيبات زي مانشد عنا

غيابه واضح في المنتدى ومكانه مايقدر حد ايعبيه

لكن هو بحكم عمله تكون فترات انقطاعه كثيرة

لذلك نحسابوا غيابه عمل بس

لكن ربي ايعوضه عن الكمبيوتر اللي عطل بكمبيوتر افضل من الاول

نراجوا في رجعته لينا

وبالنسبة للرحلة ياريت نقدر انكون معاكم لكن اللي ماهي فيدك اتكيدك

حكمنا فيد خوتنا هههههههههههههههه الله غالب وربي يحفظهم

غير خبرونا عن موعد الرحلة ومانوصيكم على الصور واللقطات الحلوة

واذكروني في الرحلة قولوا كان دلع ليبيا معانا راهي طبختلنا المكرونة خير من مكرونة محمد اللافي هههههههههههههه

مشكور ياستار على اخبار التمساح وانك طمنتنا عليه

اكيد زهرتنا ودلوعتنا حيكون عندكن خبر بالرحله قبل وقتها بوقت طويل بالكي تمشن امعانا

الله ايسلمك ويطمنك عليه يا بركه
كلي موضوع الرحله ما اتشاور يتيم علي ابكاء
تم ياغالي انتو انوو بس قولوي بيش نعطيك الجدول امتاعي

شكراً لكم ولجميع الاعضاء والله يبارك فيكم ويخليكم وينجيكم وكما ذكر اخى ولد الجبل فأنتم دائماً مرتبطين ومحبين لبعضكم البعض ... وبما ان الجميع موافق على رحلة اخرة ان شاء الله نخطووا الى رحلة جديد بحلول شهر 3 ان شاء الله تعالى ... اما بخصوص دلع وللوتسنا الغالية فأذ امكن يا ريت تجن معانا فى الرحلة نستانسوا بيكن يا شطورات

اى خدمه ياباشا

بلغونا قبل الرحله بفتره عشان اندزلكم ابراك وخبزه تنور ولبن بلكي مكرونه رؤوف شيطت تلقوهن

عطرالمنتدى كتب:بلغونا قبل الرحله بفتره عشان اندزلكم ابراك وخبزه تنور ولبن بلكي مكرونه رؤوف شيطت تلقوهن

توا انبلغوكم بس مش علشان ادزو ....انبلغوكم علشان تمشن امعانا وديرن البراك والخبزة غادي
ولو شيطت المكرونة توا ايدير محمد اللافي وحده اخره ايهني متشيلنش هم ومتفكرن بكل

مشكور يا ستار عشان طمنتنا عالتمساح وبالنسبة للزردة كيف ما قالك بو اللافي جاهزين بس عطونا العلم قبلها بفترة عشان نجوكم من اوجلة ونجيبوا معانا تمر يا غوالي

هذا الكلام يا عرب اوجلة الله لا يغيبكم ايواة ان شاء الله يا بركة

شكرا ستار للبحث الدؤوب عن الغائبين
وسلامنا لاخينا الغالي ( التمساح )
اما بشأن الرحلة فلا مانع عندنا ، لكن ارجو الصيف هو اللي جاء بيش تكون الرحلة علي جزيرة( برذعة ).

ان شاء الله الى فية الخير يقدمة الله سبحانة وتعالى

مشكورين يا غوالي وان شاء الله ما تنشغلو علي غالي ولكم كل التحايا من كل قلبي000وعلي درب الاخوه وشق بحر المعرفه معا ومن اجل ربط روح الموده بالمنتدي سنكون يد بيد من الجنسين احباب و اصدقاء 0000وممنون جدا بهده الرابطه الحميمه واما الزرده مصر عليها فهي اكثر احتكاك وللمناقشه في الامور التي تتطلب معالجتها غلي الرغم انه المنتدي بعافيه ولله الحمد بفضل الاداره ورواده الاكارم

آنست المنتدى يا غالى ونور المنتدى بطلتك الرائعة وخلاص ما فى مشكلة ان شاء الله نمشوا رحلة وانا من رأى نمشوا فى شهر 3 القادم موعد جيد جداً مو مهم نمشوا للبحر نمشوا فى شهر 3 الى اى مكان وفى الصيف نمشوا الى البحر اذ امكن شن رايكم يا غوالى

انا مع الكابتن
نشمو لجزيرة بردعه ان شاء الله
او اي جزيرة ثانيه اقريب منها
مصراته او غيرها
لان بردعه صعبه علي المراكب من ناحيه الارساء فيها
وشطها صعب
وانتو ادرا لكن المهم اتكون احد الجزر ياغوالي
نسقو علي الاساس هضا وفقكم الله

والله يا بو اللافي حتي الرحله في الربيع ما عندك فيها ما اتقول يا لبد انا مع المشاكس ستار 0شهر مارس وفي فصل الصيف ضروري من رحله الجزيره علي الاقل نحن في اشتياق لمكرونتك

بارك الله فيك خوي التمساح
والله ما ايهمكم بكل انديرو وحده في الربيع
الخيمه ومحرك الضي والي تبوها شوري حاظر
وتكون في وادي من وديان التميمي
ونديروها زردة ابيات ليله
ايش رايكم اتكون في نص شهر 2

وزردة بردعه ان شاء الله في الصيف

كلام جد قيم ومميز منك اخى بواللافى احسنت الاختيار وموفق دائماً فى اختيارتك تم وحدة فى الربيع وحدة فى الصيف ما عندنا ما نديروا وحتى رايفنا على معكرونة بواللافى الى مشيطة هههههههههههههههههههههه ايش رايكم يا غوالى

يللي اديروها باهي وان شاء الله خير

تم يا غالى ان شاء الله

بالنسبه لستار كان فى مصر موش محتاج لاى رحله وانتو عارفين الرحله الى مصر تغنيك عن كل الرحلات والزرادى اللى فى ليبيا.......وتوا ايقوللكم مانيش ماشى كيف ايسير منها ............وان شاء الله على الخير ملتمين

ان شاء الله يا بوفرقة لا نمشوا من الى يكرهة يمشى زردة مع بواللافى يا زين الاصدقاء يا بواللافى

ايش تبى فى بوالافى امفيت المكرونه اللى امشيطه ماتحصل منه شى

ههههههههههههههههههههه انقنك صدقت هههههههه فية شئ ما تحصل منة ولا بصيرة ه الوجة العكب هههههههههههههههههههههه

انت اتقول وجهه عكب لكن عنده خلايق اخرى ماتقولش فيها

لا هذة صدقت وخصوصاً او بلاش خير..والمشكلة تسألة ينكر ويدير روحة شريف وما عندش فيها يلا نحن الى رقدين ارياح من غادى ... لكن هو على اليمين ما فية مصلحة ابداً ولا فية بركة ولا طاقتة

الله ايسامحكم منكم لله

اوفنا يا محترم انت هههههههه

ربي يهديك ويصلح حالك ان شاء الله