ألهن وقت ماهبّن أنسوم طرَبهن( فاروق اطبيقة ) 2011

السلامـ عليكمـ
ـ و اخواتيـ اهاليـ هذا الصرحـ الراقي

اليومـ اخوكمـ
ورفلة تعلتـ

يقدمـ لكمـ اخر أبداعات الشاعر فاروقـ اطبيقة الورفليـ



وتمـ إلقاء هذه القصيدة بتاريخـ 19-12-2010 يومـ الثلاثاء

فيـ فرحـ اخـ الشاعر فاروقـ

(محمد)

في وادي بيّ الكبير

حيثـ كنتـ منـ المدعويينـ ..

لتحيمل هناااا

المصدر تسجيلاتى

وهنا مكتوبة

*******
ألهن وقت ما هبّن انسوم طرَبهن أمرايفات ماجاهن نبا غايبهن

*******
نسمة طرَبهن هامدة .. لها وقت ما هبّت عليها خامدة

لنظار والفن دار الرياف الصامدة .. امصادراتها من يوم ما سيّبهن

بلا عذر لاوين الخطا وإيعامدة .. عزيز بين نيران الفراق هلَبهن

خطاه جرح مازلت فى قلبى كامدة .. من بين 100 جرح ما طبّبهن

سطيرهن أكبر ماجت عليهن ضامدة .. و اللى قلت بريَن من جديد عطَبهن

نحساب غير دمعتهن عليهم جامدة .. من غزرها مفتول تمّ هدَبهن

*******

ماهننى لنضار يذرفن فى الدمع لين غطنى

نفزع بحيل الجهد انكان دعنّي .. لهن بالدموع انسيل فى نايبهن

عارف انكان بكيت روحى فنّي .. بكّاى فقد من يومى انجى زاعبهن

ادموعى على اللى خاب فيهن ظنّي .. اصحاب صوبنا وين يخطروا نسكبهن

ايسيلن نهار و ليل غصباً عنّي .. كذاب كان قتلك انّى غالبهن

وكذاب كان قتلك انهن طاعنّي .. أمنين جيت ع النسيان بنطيّبهن

وكذاب كان قتلك انهن نسنّي .. ليّام فيه حتى فى اوقات كرَبهن

وكذاب كان قتلك انهن شالنّي .. اخطاى و الديار اذهبت فى مسرَبهن

اعزاز شالهم حظّي العاكس منّي .. و احلامى على حيط الفراق صلّبهن

بلا ذنب درته ولا خطا متعنّي .. اقصور عزّنا ياس العزاز خرَبهن


الرجاء عدم نزع حقوقى