وين ما نقول تهوني .........

من طرف **زهرة اللوتس** 2011-01-31, 8:45 pm

وين ما نقول تهوني.............. تجي صورتك هذيك بين عيوني
تزيدي غلا
وين مـــا نقـول نــهونك…...…. يلي مذيبلني سواد عيــونك
لا حذاك في الدنيا علم لا دونك .........ولكن خسارة فيك عاكس عوني
ما زال ما عندي نقص قانونك..........كيف ماأنت عندك نقص قانوني
ونجن قيس من ليلي ونا مجنونك.......حتي ونا سليم الناس يحسابوني
وين ما ثمر غيري قطف عرجونك ......ونا الهم لو يقتل كبار غبـوني
وين ما نقول كفايا ......................وما عاد نجر معاك في سهرايا
من يوماً رضيتي بالخراب معايا........واخترتي اللي ماكان غالي دوني
عليك غير ماي ساعة عدد يا منايا......ما هن سويا واجدات ديــوني
وظلمك وجفـاك مخلفات سـوايا....... ساكنات جوا ضربهن دكنـوني
وزولك هذاك السمـح كان تـهايا......وانتي ترتشاقي مشيتك فصعوني
تقول تشغلي في بهيب عنايا......... وانكان غمضت عيني حذاي تكوني
وين ما نقول نسيبك................. حتي مسخرا ما عاد نجيب سريبك
يجي اليل ويجيني منام يجيبك.........ونبـقي علـيك انـق هذا لوني
ونذكر أيام زهاك وتشرهيبك..........وقول يا شقاهم من عليك نهوني
واليوم يا مرادي ما تقول طليبك...... ولا تقول عاهدتي غلاي تصوني
ولا تقول شاكيتي بما زاريبك كيف ما نجض بنار في مكنوني
طوعك الهم شوه صفاك وطيبك وما كنت نحسابك معاي تخوني
وين ما نقول تهوني تجي صورتك هذيك بين عيوني تزيدي غلا
وين ما نقول تهوني ......... 944316