يم اعيون اسماح ذبايل ..دونك حايل .

لشاعر / احمد ارميلة

قصيدة / يم العيون اسماح

يم اعيون اسماح ذبايل ..دونك حايل ..نقار ونا نارك شايل
جميلة خذتيني بعيون ... كبار ومنهلعات وعش
ودور ثناوي عالضبون ... اركيب لقح وشوال اقحش
انساق وجاء داير غليون ... بحشوى لمراحى حايش
مراضى قبلي جوف اردون ... قعاري حايل فيهن قش
بعدرعيانا والواشون ... اروي جارى ماللي كشكش
حليب من امه مو مشنون ... اشرب نين اضايق ودهش
شكاوي خلوهن وصحون ... مناسيف ولاحاشي نش
غزير وبرها وربد ... لون جسدها موهاويه وقش
عبسى لاجت فوق العون ... كما فاسوخ وجاوي رش
فحلها يضمي مغبون ... بطول نهاره يدلش
اعرابي عايش مو معنون ... بحبل ولاسع شال دبش
اتقول يملش في عرجون ... بزربت ذيله وين ملش
لاغيز لاضمة اجرون ... مع امه في الصحراء عايش
رغاوية كيف الصابون ... بزورة فالحيط يدشش
نخلي قصقالة مركون ... بعيد فالمضنون انخش
انجي للمبداوالمضمون ... إلي نوع الخاطر طرطش
نوصف في سالف مدهون ... امسوي عالجرجار اكوش
وحاجب في حاجب مقرون ... اغبي فيهن شنقال انقش
ومضحك يضاوى بسنون ... مجيدي بين اثنين افتش
لهاكيف البارق جبنون ... اضوي غير ابوشمة نقرش
لها ثابت من غير اطعون ... أول لوحادش لوطانش
بنسبة واحد عالمليون ... نجاح إلي ضدك دايش
زينات احذاها بلهون ... رمتهن كيف بنات نعش
أجمل منك ماعاد ايكون ... وحق إلي سماك جنش
بها بلكل مابش ايهون بكل وسايل نبيك ولا ماني طايل