لو كان من غيرك

من طرف اشرف ادريس البشكية 2009-05-28, 9:21 pm

لو كان من غيرك قساوة قول.....
لا نعبره ولا دمع منى يطول....
ولا ننشغل ولا فكر بيا يجول...
ومنك قساوة تهد روحى هد...
لو كان من غيرك جروح وقسوة....
نرمى غلاهم بين هزل ونسوة ...
لكن حروفك بالقناطر تسوى....
تكتم أنفاسى بين سد وسد....
لو كان من غيرك حضورى يمله...
نحذف اوقاتى معاه ف اول سلة ...
انت الغلا والحب كله كله....
ليش الجفا ما بين صد ورد....
لو كان بس غلطنا....
لو كان لمنازل الدون هبطنا...
لو كانا فى تقصيرنا تورطنا....
نقولوا عتاب لابد منه بد....
لو كانها مش منك .....
نجرى نداويها بلمسة حنك....
وان كانك غايب بسيرة عنك...
نحس الدفا تقول يد لمست يد....
فيا كسرت احساسى ......
وانت النور فى دنيتى ومجلاسى....
لا مش رجاى تكون زى الناس...
نبى غلا ما شاف كيفه حد...
منك وما نحملها ....
كلمة كبيرة خاطرى شايلها.......
وجرت وراها كلام يا مثقلها......
واحترت فيها بين مزح وجد.....
لو كانها من غيرك.. ونرجى ف جوابك نسألك غر خيرك؟
وتنهى كلامى ونا حبيبك طيرك......
وهكى غلاك ما بين جزر ومد......
لو كان من غيرك