"" العـــــــــــــزوبيه ""

تعريف العزوبيه


هي المرحلةالعمرية اللي يكون فيها الشاب منبوذ من جميع فئات المجتمع
مواصفات العزابي

1. مسكين
2. مطفر
3. جائع
4. مديون من جميع الناس الهندي راعي البقاله، مغسلة الملابس، راعي المطعم لو يشوفه يقلبه دجاج شوايه
5. مضطهد
6. مريض
7. الملابس000الله لا يوريك



شقة العزابي

1. الصاله: تلفزيون//اربعة طفايات سجاير//ثلاث روس معسل//ترمس شاهي//16 فنجال شاهي//اثنين وعشرين جريده//خمس دفاتر(مو لتدوين شيء مفيد)لااااااا كلها لنا ولهم خخخخخ (( للكارطة ))

2. غرفة النوم: مرتبة نوم (يسمعون بالسرير)//فنايل مرميه//ثياب وسخه//اكياس مطاعم (شاورما + هارديز + كنتاكي ....... الخ)

3. المطبخ: سته او سبعه اكياس بخاري//عشره عشرين علبة تونه//كورن فليكس>>هذا بالغلط اكيد احد جايبه له هههههههه//اكياس ليبتون << نص المطبخ ليبتون



مشاكل العزاب

أكثركلمه يسمعها العزوبي هنا هي (((((((((ممنووووووووووع)))))))))) :

أ/ إحتفالات العيد((((((((ممنووووووووو ع)))))))))مافيه احتفالات يعني طول السنه نفس
الوضع واذا تبي تحتفل رح للبر لحالك والا أضرب راسك بأكبرجدار

ب/ دخول الملاهي((((((ممنوووووووع) )))) طيب ليه يعني هم اللي بس يركبون الصحن الدوار
والا حاطينه للعوايل بس

ج/ دخول الأسواق((((((ممنووووووووو ع)))))))))) وهذي مره مقهورين

ليييييييه يعني حنا اللي نبي نكسر المحلات والا نبي نقضي البضاعه عن العوايل

-----يقولون انكم مزعجين داخل السوق------فيه رجال أمن داخل السوق وأي واحد يحاول
يزعج يطردونه برا ----- يعني حلها سهل

------------غيرك يدخل وانت تنطق برا في البرد



العزوبي والقطة

القطه بفتح القاف وهذا مصطلح في معجم العزوبيين يعني رسوم الاشتراك
القطه هي كلمه تسبب الحساسيه للشاب الاعزب وهناك أنواع متعدده من القطه منها:

1. قطة الشقه (وهذ غالبا ماتكون قاصمه للظهر) يعني يبيع سراويله عشان يكمل المبلغ

2. قطة الاكل (وهذا يسمح لك بتناول اي طعام أوشراب الا بعد دفع قطتك فيها

****كل حياة العزوبيين قائمه أساسا على القطه*****

أكل,شرب, نوم, ملابس,كتب ,طواقي,شمغ,حتى ؟؟؟؟



العزوبي والسفر

السنه فيها 365 يوم لا يعيش الاعزب مبسوط فيها سوى 20 يوم
بالعربي يعني 345يوم وهو يجمع الريال فوق الريال عشان اذا جاء الصيف يقدر يسافر للخارج
عاد العزوبي هنا منقطع مايشوف الا الديانه والا الدكاتره اللي مضطهدينه والامديره في الشغل اللي حايس مريره ,,, ولو يكح جنب عايله قالوله أنت تغازل بناتنا ولا يدري عن شي أسمه حنااااااااان


وأول مايوصل برا ويشوف العيشه ما يصدق وتضيع علومه ---وحده تقوله أحبك يصدقها ويأمنها على كل شي ومايدري من بكرا الا وهو مطفر عالحدييييييييييييده وضاعت فلوس 345 يوم ولا معه حق التكسي للمطار ههههه
.
.
.
.
.
واقعكم مرير
.
.
دمتم بدون زعل

هههه

للمرور

شكري لك

نسأل الله أن يعف كل شباب المسلمين

ويجنبهم المعاصي ماظهر منها ومابطن

مشكور على هذا الموضوع الجد قيم بارك الله فبك

عبدالحفيظ عوض ربيع كتب:هذا ليس فى ليبيا والسبب هو ان الليبى لايملك سكن الا بعد 20 سنه من الزواج يعنى لم يصل عمره 45 سنه ايام حكم الطاغيه ولكن ننتظر مستقبل افضل

الكلام الصح