وطنا ما انبيعوه

نحنا وطنا ما انبيعوه
ولا نحالفوا في نصارا
ولا نطعنوا لا نغدروه
ولا نخربوا في عمارا
ولا نفتنوا لا نقسموه
ولا نعزلوا فيه قارا
الا الظلم وين شافوه
التمن قلوب الغيارا
وبراي حق فينا خذوه
صبو أصدار السكارا
نحنا الضيم ما انطيقوه
وفالكون بانن عوارا
وبلسان كذبهم ليش ينكروه
وذيل الخبر في قرارا
باين الحق غير زيفوه
بوجوه واضحه بالصغارا
وتاريخ عزنا ليش زوروه
وليش شوهوا ناسا عصارا
لهم خير فالوطن داروه
والخير ذاقوا أثمارا
شيوخ وطنا علم لقيوه
منهم ولقيوا ادبارا
الطاغي اللي ذلهم طاوعوه
اتقول يعبدوا في افكارا
لا ينظروا حق لا يعرفوه
ولا يعرفوا سر الكبارا
ولا يخجلوا لا ينشدوه
علي ما تكلم ودارا
سطع نجم واهلال نبوه
يمسح أوساخ الحقارا