ياعزيز انسيتك

لااتقول مره جلت لانا ريتك
ولاننشغل بيك ياعزيز انسيتك

ما اتقول كان غلانه
يجرى فوسط العرق كيف ادمانه
وما اتقول في قلبك اقرام حنانه
وما اتقول غاليا اللي حبيتك
افعينك خفا مش باينه لخيانه
يوم اللقا في نظرتك حقيتك
وفي يومها انكتبن ايام شقانه
ياريت لاما جيت لا نا جيتك
ياريتها اختلفت امعاك اريانه
ما دامها سوده امعايا نيتك
ما شلت غير اذنوب من يالانه
انسيته غلاك اليوم واطي صيتك
نوينا انديرو عزم ياغالينه
وننسو غلا غالي مشا وانسينه

ننسو الناسي
الخاين اللي ما حس يوم احساسي
وكم قبله عايشين مأسي
واجد فالدنيا عجب مارينه
وكم فاقد من قرايب ناسي
وعلي ما جار الزمان علينه
مازلنا رواسي في اجبال رواسي
ما اتهزنا الخونة ولا اتبكينه

مشـــــــــــــكور ,,,,

مشكــــــــــــــــــــــــوره ع المــــــــــــــــــرور
بنت طبرق الحرة