هاضا مكان لقانا .. ابكي انكان بكاك جاب منانا نين تنعمي هانا

من طرف اسماعيل ادريس 2011-11-15, 3:26 am

هاضا مكان لقانا .. ابكي انكان بكاك جاب منانا نين تنعمي
هانا جاني .................. وهانا علي موعد غلا لاقاني
وهانا ورا صوبه ردح ميزاني .. وهانا نطقلي بالغرام لسانه
وهانا اجادلنا بضرب معاني .. وهانا نديم الشوق كاس اسقانا
وهانا حلفلي قال ما ينساني ...... وما يود لا والي بود الانا
وهانا بما في داخله شاكاني .. مالشوق م الغلا من لوعته واحزانه
وهانا قريب الدم والبراني ....... تعجّب لقوة صدقنا و ايمانه
هانا جينا وهانا ............... على الصوب العفيف حكينا
وهانا دفنا حزن ماكن فينا ..... وهانا ذرفنا دمع في ملقانا
وزاد هنا م الشوق الدفين شكينا .. وهانا بعد تسكيب كف ابكانا
وهانا الفاهم ما فهم طارينا .. بالغاز نهمسوا م الخوف م الفتانه
وهانا احتار اللي رقيب علينا ..... حلل و لكن ما فهم مغزانا
وهانا اللي حساد وقضوا بينا ... وعالوا علي تخريبته مسدانا
وهانا اللي قاس الغلا تكوينه .... صبّا بما جابن يديه معانا
وهانا ونحنا شابكين يدينا ...... بكينا بعد حان الوداع اوانا
هانا صار ..................... ملقا علي موعد غلا بقدار
وهانا وقفنا ضد للتيار .. وبعكس المصار مشا بحسب اهوانا
وهانا اداولنا الحديث اشعار .. وضعنا عفيف الغزل في ديوانه
وهانا الشاكي اللي شكا مالنار .... خففنا مصابه وينما شاكانا
وهانا و نحنا يا زمان صغار .. اضحكنا على اللي ما ارضيه زمانه
واليوم يانا يا زمان كبار .... وانواروا علي لخرين في شكوانا
هاناجيته .................... وهانا علي نار انتضار القيته
يراجي و تاعب من امرار رجيته .. و ضحكن عيونه كي اوصلت الحانه
اللي لا يهون و لا نهار انسيته ...... ولا تصير لا نقدر علي نسيانه
غالي علي اصاعبت قسميته .. من ناس ما الصوب اسمروا من نيرانه
ومازلت نرجا في كريم عطيته ........ كاتب غلاه ايسهله جرنانه
ويجبر خواطرنا و تصدق نيته ..... ونيتي و نبنوا من جديد ابنانه
خطرها مكان امنين ما حقيته .. استحضرت ماضي كادني اجحدانه
وسيرة اللي لاعند يوم الميته ....... ونا كل يوم نقول حيه فلانه
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
وسلمتووووووووووووووووووووووووووووووووووووووووووووووووووووووووووووووووووووووووووووا
هاضا مكان لقانا .. ابكي انكان بكاك جاب منانا نين تنعمي هانا 494103