لي عندك حْقوق .. يسالك دمع عين شوق شوق بيه مشيت

بْحقوقي عليك ..
انخاف عليك راني انعشم فيك
عطيتك عمر ما والي شريك
فيه امعاك بيه اعليت فوق
سود ايديك ضرِّني ايديك
غيابك عوق لعروق العروق
حرام عليك ياك اهدي نبيك
علي لنظار ما خلَّيت بوق
بلاك الليل قضَّن بالسليك
امحيزك عوق ومهاياك عوق
النوم ايجيك لابدَّا ايجيك
وين ايتوق نومك له اتُّوق
واستانست عقلك غرَّ بيك
لين البست مِ الوسواس طوق
غرُّوا بيك قالولك انسيك
ظنَّك بعد فقدك فيه روق ..!؟

لي ستين حقّ ..
انهق الحق حقي ما ايهق
زعم فِ البعد خاطاك الروق
وإلاَّ كيف حالي في اشروق
وإلاَّ فاهقي عندك انطق
القيت رديع سابقني اسبوق
وحق اللِّي نوا خيره فلق
وعالم بالخفيا والنطوق
بنادم فيك غاوي مااخلق
كيفي ولا ايجي كيفي مخلوق
ولا فالكون يصهدني عشق
كيفك لا يْواليني امعشوق
زامق عن غلا غيرك زمق
اتعدّ اتغلب شوق اولاف شوق
يامشكاي ني جاشي احرق
اتقطِّع فيّ عبرة فِ الحلوق

لي عندك دْيون ..
يا اللِّي كنت هون الهي وعون
عين ابرة بدي وسعا الكون
شمس جفاك طابت عَ الزروق
وين وفاك قتلي ما انخون
وين العهد بعته بالطلوق
ليه سرقت نومي مِ الجفون
ليه عصرت قلبي لمخلوق
ليه حبست روحي في سْجون
الياس وقهر بابه لمغلوق
ليه دْموع عيني لك اتهون
وهن ما عمر هانن للمخلوق
~~~~~~~~~~~~~~~~~~~~~~~~~~~~~~~~~~~~~~~
وسلمتوووووووووووووووووووووووووووووووووووووووووووووووووووووووووووووووووووا

سلمــــــــــــــــــــــــــــــــــــــك

مشكـــــــــــــــــــــــور وبارك الله فيك يابو ادريس

مشكـــــــــــــــــــــــــــــــــور عاشق مــــــــــــــــــــرورك شرفنا

مشكــــــــــــــــــــــــــــــــــــوره شموخ عـــــــــــــــــــزي
لمــــــــــــــــــــــــــــــــــــــــــــــرورك واطـــــــــــــــــــــــــــــــلاعك

مشكــــــــــــــــــــــــــــــــــــوره زهـــــــــــــــــــــــــــــــــره
لمــــــــــــــــــــــــــــــــــــــــــــــرورك واطـــــــــــــــــــــــــــــــلاعك