صابر انكابر ما انقول جفوني .. لهتهم علي اظروف تو ايجوني

من طرف اسماعيل ادريس 2011-11-18, 3:37 am

صابر انكابر ما انقول جفوني .. لهتهم علي اظروف تو ايجوني
امصبر عيني
فى كل لحظه انقول تو ايجيني
بيدي سقيته من اشواق حنيني
و حاسب احسابي ما اتخيب اضنون
امصبر روحي
و في داخلي متهلعات اجروحي
متحمل انعاني فى صغاي و موحي
انطبب و لا انفرح اللي احسدوني
امصبر عقلي
املذع و نا واطي عليه ابثقلي
ايقولي جفاني ابقسوته لايعني
انهون عليه و دمعتي فعيوني
صابر ديما
انعد ف غلاه امعاي و التلويمه
انخاف نهجره تصفى بعدها الغيمه
و يرجع حبيبــي ايقولي ما اتهوني
صابر صابر
على كبر جرحي فى الجواجي انكابر
و علي ميلته حظي و زماني الغابر
نحلم و نهذي انقول ما ينسوني
~~~~~~~~~~~~~~~~~~~~~~~~~~~~~~~~~~~~~~
صابر انكابر ما انقول جفوني .. لهتهم علي اظروف تو ايجوني 492686