غايب عليهن كنك .... زعم من الزعل وللا اظروف خذنك

غايب عليهن كنك .... زعم من الزعل وللا اظروف خذنك....أنريد ننشدك

انريد جــــــــــــــــــــــــوابــــــك .. وانريد منك شوفتك واعتابك

عليك منشغل رانى ودير احسابك .. ناشد عليك الغيم ما شافنك
...
هطل مزنها وارعودها تشلابك .. موعــــــارفه وين الاوقات رمنك

سلت السما و الطير وين ابوابك .. فى كل فج وبر ما حقنك

الله والنبى خليك بين احبابك .. واعرف جنين الكبد قطعه منك

غايب عليهن كنك .. زعم من الزعل والا ا ظروف خذنك....أنريد ننشدك
...........................
وين الغيبــــــــــــــــــــــــــه؟؟؟ .. بالك اظروفك يا العزيز صعيبه

انت الدوء وانت معانى الطيبه .. وبيك انتكحل من غلاك ومنك

لوعتهن الانظار ماهى عيـــــبه.. ولو ما عليا اتعز ما سالنك

ياورد يا فواح مسمح طيبه .. بيك الخلايق ذايبه عشـــــــقنك

وانت وريد القلب كيف انسيبه .. ايموتن جوارحنا اللى يفدنك

غايب عليهن كنك .. زعم من الزعل والا ا ظروف خذنك....أنريد ننشدك
...........................................................................

عليك منشغل رانى ودير احسابك .. ناشد عليك الغيم ما شافنك

جميل هالبيت

شكـــــــــــ ـــــــــــــرآ وبـــــــــــــارك الله فيـــــــــــــــــــك