(العلاقة بين جفاف الرجل وجفاف الرجلين)

من طرف **زهرة اللوتس** 2011-11-30, 4:00 pm

(العلاقة بين جفاف الرجل وجفاف الرجلين)
قد يتساءل الكثيرون ليش اغلب النساء كل ماطالت مدة زواجها كل مافقدت اهتمامها بنفسها ؟ وليش كل ما تزيد سنوات الزواج يقل استعمال المكياج ومع الوقت معاش تستعمله الا في المناسبات؟
ليش مع مرور الوقت تستبدل البيجامات بقفاطين البرودة؟؟ وقد توصل بيها لمرحلة حتي شعرها معاش تمشطه الا لما بيجيها حد؟
والسبب الرئيسي والاهم للاهمال هو جفاف الراجل..فاغلب الرجال الكلام الحلو اللي كان يقولو فيه فترة الخطوبة ينسوه وبعد اول سنيتن زواج تبدا كلمة صباح الخير كلمة حلوة كان قالها..لانه احيانا حتي هي مايقولش فيها..
وتكتشف المراة ان راجلها مع الوقت معاش يشوف فيها اصلا..وتكتشف انها حتي لو لبست قفطان سهرة ومكيجت مش حيعلق ولا حتي يقول ماشاء الله..لهذا مع الوقت تنسي نفسها وتبدا تلبس في اللي يريحها وبس وبالشوية بالشوية تبدا معاش تمكيج ولا تهتم بنفسها الا في المناسبات..ورجليها يتشققوا ويجفوا..وتبدا حالتها حالة..
لذلك تفاديا لمشكلة جفاف الرجلين عند النساوين يجب على الرجالة ترطيب لسانهم بالكلمة الحلوة..وكلمة محلاك مش حتنقص من الراجل شي كان قالها..
منقول..يوميات زوجة رجل ليبي