عندك علم رغم اني حنون عندي قلب كي يزعل عنيد

عندك علم رغم إني حنون . عندي قلب كي يزعل عنيد .

وعندك علم يلفالي أجنون . امعا العناد بعنادي أنزيد .

وعندك علم مهما لي أتكون . ومهما أتكون من قلبي قريب .

أنهون غلاك كي نبي أنهون.أنجيب العذر نرمي عالنصيب .

وعندي قلب من كثر الشجون . أبروحه شوف من جرحه ايطيب .

وعندك علم ما نطلب العون .امفيت العون من ربي الحسيب .

عندك علم متعلم افنون . واخذ درس من فقد الحبيب .

********* ********* عندك علم رغم اني حنون عندي قلب كي يزعل عنيد 19

عندك علم رغم اني حنون عندي قلب كي يزعل عنيد 19

عندك علم من جرحي القديم . ينزف غير مو لاقي دواه .

وعندك علم داوايا غشيم . ايسيب الجرح ويداوي احذاه .

وعندك علم عالغالي انصيم . اللي من قبل ما نحمل بلاه .

وعندك علم من جرحي انهيم . انخش اوهام في سبا غلاه .

وعندك علم ما غيرك نديم . وعندك علم ما غيرك هواه .

عارف ليش تفكيري سليم . عندك فكر كيف فكري سوا

وعندك علم والله عليم . انت او بس والباقي انساه .

********* ********* عندك علم رغم اني حنون عندي قلب كي يزعل عنيد 19

عندك علم في يوم الرحيل . نزحت ادموع نبكي بلا حس .

وعند علم لا توا انسيل . ادموع ارياف جاحهدن اندس .

وعندك علم من جرحك عليل . سطيره نين في قلبي انحس .

وعندك علم ما نرقد الليل . وحيد بلاك ما عندي ونس .

وعندك علم لذنوبي اتشيل . وهالكلام لك انتا وبس عندك علم رغم اني حنون عندي قلب كي يزعل عنيد 25