أنتي نسمة

من طرف اسماعيل ادريس 2011-12-10, 7:33 pm

علم عالي لك صيت وشان .. تقول ادمــان .. غلاك اسيطر عالوجــــــــدان

أنتي نسمة صبحي العليــــل .. نهايـــــــة ليل .. خذا من عمري شوط طويــل

صبرت وعوضني الجليـــل .. قوي رحمــان .... بمن صبرة طاعة وايمـــــان

غلاك القلبي دار غسيـــــــل .. رجع صغــلان ... يلج امصفر كيما كـــــــــــان

اسمك مدلول السرعة ميـــل .. بلفظ ايران .. سنا لمعان وميض اجرب فاليابان

ابدا بالف وسين اسماعيـــــل .. وميم همــــان .. تحركه يوضح ويبـــــــــــان

عمامك مافيهم تمقيـــــــــــل .. بلا مدحــــان .. خذو نورة كل امتحــــــــــــان

مزاريع ايهدوا الجفيـــــــــل .. اشرف من صان .. العهد ومن جاور بحسان

عطو دون الفاتح لاصيـــــل .. بعد سحبان ..... وقبله كم فارس قربـــــــــــان

مع اللي في لاهي نزيــل .. ورا قضبان .. بري واندان الله ايجيبه فاقرب وان

خوالك هل ذكر وترتيــــــــل .. وهل برهـــــان .. اشراف ايعودو للعدنـــــــــان

نباهم مشهور زنابيل .. حديد اخشان .. اشرس فرسان اصدار التركي والطليان

لبستي تاج اعلى تهليــــــــل .. المـــــاس ازدان .. مرصع ياقوت ومرجــــــــــان

وسام لزينك مو برطيـــــــل .. بــــدرع احسـان .. براته تبجيل وعرفـــــــــــــــــان

كرستال علي سانستيل .. ضون سبحـان .. عضاك وحليك والفستـــــــــــــــــــــان

جميله جسمك صب جميــــل .. ملم افتـــــــــــان .. عبق مسك وروح وريحـــــــان

كما فوحة عنبر وكليـــــــــل .. وطيب غســـــان .. الياسمين وريح البرفــــــــــــان

على شيح وقرط وزغليـــــل .. مع ربيان غلق غيطـان .. ربيعة دودانه يــــــــزان

زقيق طيوره فالتمثيـــــــــل .. زقيق الحــــــــان .. بيانو هايمبه فنـــــــــــــــــــــــان

كلامك ترنيم امواويــــــــــل .. هوى وجـدان عصي ريان .. رهافه وأنوثة وحنـان

شهد ثغرك شافي الغليـــــــل .. جلا لحــــــــزان .. محجه لرواح ولبـــــــــــــــــدان

انتي جنة محروم بخيــــــــل .. شذا بستــــــــــان .. عسل قير وخوخ ورمــــــــــان

علم فيك التوصيف يخيــــــل .. ونا ولهــــــــــان .. امرايف عالقول وجضـــــــران

وهو يهطل هيل بلا كيـــــــل .. بكـــــــــل اوزان .. مغير انوتيله عنــــــــــــــــــوان

عليك مفصل لك تفصيــــــــل .. وضوح الـــــوان .. وخامة وشياكة وضمـــــــــان

محجر مو مطلوق سبيــــــــل .. رفيع اثمـــــــــان .. مفيت الزولك ماينهـــــــــــان

فخر متوارث من لاويـــــــل .. على الجرنان خذا فرمان .. لنوح ولبعج بو عدوان

وخالد كيف وضوح سهيــــــل .. بلا نعتـــــــــــان .. اينابي كي درب التبــــــــــــــان

أخطر وادها منه البديــــــــــل .. فصـــــــاح السان .. وشعر وتاريخ وديـــــــــــوان

وبوطاهر وصفه للميــــــــــــل .. عبر بلدان فتح بيبــان .. مجالس زايد بن نهيـــان

خذا مركازه بوكمبيــــــــــــــل .. ملا المكان رقد مطمان .. الشيهان امخلي شيهان

ان حام طليبه جاه الويـــــــــــل .. على الجنحان .. اظفارة تمرق مالبيطــــــــــــــان

حسن لقطع جور بالحيــــــــــل .. اربابه هان بفم مليـــان .. تحدا من مصر الفـزان

اعديك من ساقة النعيــــــــل .. علي تربان احمم بركان .. جحيم تقول ابطون افران

انزازوبه جيل على جيــــل .. اشكر ميدان علم سلطان .. ان غاب افلان يجيه افلان

ملك وطن ابروس رجاجيـــل .. مع الجيران عصى مالان .. اترابه جابه من الغزيان

افراش ارجاعك جرة سيـــــــل .. محــــر اوطــــــان .. معالي برقة والبطنـــــــــــــان

لمسن بدري نو ثقيـــــــــــــــل .. اجبـــــــــال امزان .. تكاصن في خالي عطشـــــــان

البارق في غيم هذاميـــــــــــل .. اربد يدكــــــــــــان .. امحضن واراه العثـــــــــــــان

رعدها قارن بالتزلزيـــــــــــل .. ادعاك اقـــــــــران .. جباهي قواته تســــــــــــــــان

ارياحه غربي بتشوكيـــــــــــل .. مع هــــــــــــــذلان .. سما عاير عيرة فيضــــــــان

افجوجه سف مناقع نيـــــــــــل .. اطرق قطــــــــران .. هشيم عذاهن والحيـــــــوان

بساط وفك اجداب امحيــــــــل .. تحايا كان اتقول امسان .. سريرة يقدح فالنيـــــران

نباته متخابل تشكيــــــــــــــل .. نبات اجنان على الميزان .. امفصل تفصيل الورغان

قطاه اودوه والقاليــــــــــــــــل .. مع السمان اشكال الوان .. سماه اقطع ليل ودخان

اشون فيه القود مهاميـــــــــــل .. بلا رعيـــــــــــــان .. ونسه لريل والــــــــــــــــدان
كما هيضت واحات نخيل .. رسم دنان.. لقيحه واجوال الحيران
شكلها ناره شمس مقيل.. يفقهر بان.. بهن تطمان.. مواليف عزايل عثمان

فزعها جسار معاجيــــــــــــل .. ايجيها كان عللها شان .. ابسبق واسلاح وجذعان

تقول ايذرن في بنتيــــــــــــل .. مع جوحـــــان .. ايديهن يشلن بالريغـــــــــــــــــــــان

الها كم شابك ناب خويــــــــــل .. اجنح مليــــــــــــان .. عضاده مفتولات امتـــــــــان

مزول وافر كيف الفيــــــــــــل .. امنوطــــــــــــر بان .. بهودج يدافر غلبـــــــــــــــان

عياط سلاسل كاتر بيــــــــــــل .. مع صـــــــــــــــوان .. بغيضة يسهك فالنيبـــــــــان

ايميزر ويواطي ويشيـــــــــــل .. زعيم المـــــــــــــان .. حضر حفلة تخريج اركـــان

مزار امام شريف اغتيــــــــــل .. اتجي اتحــــــــــــان .. مجاسيره من كل مكــــــــان

اعطاش ضماها قيض شعيـــــل .. على معطــــــــــان .. تحوس تكسر فالحيضــــــان

اعشاره شلايات قتيـــــــــــــــل .. ورا ميسان كبير انعــان .. سلاحه فى جوجيه خان

لهاني عن ماقال وقيـــــــــــــل .. لبسني جــــــــــــــان .. طلقبك لشعاري العنــــــــان

بعدني عن جو التاويــــــــــــــل .. وعن سيطــــان .. الجلاد وقفل السجـــــــــــــــــان

حرق دمي بحث وتحليـــــــــــل .. حســــاب زمان .. يخوخم جابر بن حيــــــــــــــــان

خبر متعاكس راس وذيـــــــــل .. قلب لذهـــــــان .. ايخليك اتشير عريــــــــــــــــان

وبطش امريكا وأسرائيــــــــــل .. وظلم اسبـــــان .. وضيعة كابل والشيشــــــــــان

العراق دمار وتنكيــــــــــــــــل .. شهود عيــــــان .. اولا من حارب لا مـــــــن دان

شعوب وحكام مساطيـــــــــــل .. وعمي اعيان وصم اذان .. علي ما يجري فالســــــــودان

وبترول وراه آساطيـــــــــــــل .. وكم طابـــــــان .. مصايب ماهن فالحسبـــــــــان

بمية دولار البرميـــــــــــــــــل .. اونا جعــــــــان .. افتولي في احقوق أنســـــــان

وبنغازي دوب حنازيــــــــــــل .. ابشع حيتــــــان .. الهن مجّان فريسه بين اقوى وسمان
مع كم صيد غليظ ضليل .. مع دخان.. جراد وجرذان وفيران
كلنها تعيين وتسهيـــــــــــــــــل .. وغزو اطيــــان .. احصص لاقارب والحبـــــان

خراب إداري وتعرقيــــــــــــل .. اسمه عصيـــان .. نكد كيف زهاد النســــــــوان

صبرنا لكن جار الكيل .. علي العصـران .. اللي الوطن بدمه ريـــــــــان

مشينا بين حوافر خيــــــــــــــل .. جيوش لجــــان .. تقول ايكافن في عـــــــدوان

الثورة مي ظلم وتظليــــــــــــل .. ولي لوبـــــــان .. وجلباب ملاك لشيطــــــــــان

الثورة تغيير معاديــــــــــــــــل .. الكل كيــــــــان .. صناعة وسياسة وأسكـــــان

النجدة يارداع الميــــــــــــــــل .. انريد اعــــلان .. يطهر بنغازي البيــــــــــــــان

ايشيل غمامه لاباطيـــــــــــــل .. الموعد حـــــان .. خذونا بياعت لديان
انت القائد وانت الدليـــل .. انت الربان على الدومان .. اعمد بينا شاطئ لامان

علم عالي لك صيت وشان .. مع السبحــــان .. عشقت
افكارك عشق ادمـــان
~~~~~~~~~~~~~~~~~~~~~
وسلمتوووووووووووووووووووووووووووووووا