لا أنقاني قررت

السلام عليكم ورحمة الله وبركاته

لا أنقاني قررت ...... تحملت واجد نين ما أنفجرت ...... أنريد نبتعد لا أنقاني قررت

،،**،،**،،**،،

خذيت قرار ..... دابينا عندي اليوم خيار

ما أيهمني لو كل شي أنهار .... عانيت واجد كل شي أخسرت

أنكابر علي لجروح عشت ف نار .... أنظني كما أيوب صبر صبرت

ما يهم لو كانوا زها لنظار .... وما يهم لو قررت وأسرعــــــت

وما يهمني لو صار مهما صار .... عندي المهم ف راحتي فكرت

عطيتك أنذار وأمعاه كم أنذار .... لا شفتني لا كلمتي عبرت

بنقول كلمة بس بأختصار .... واجد أمعاك أشقيت وأدمرت

،،**،،**،،**،،

خلاص نهيـــــــت ....... اللي بينا وحتى القرار خذيــــــــت

أنت السبب كثرت وين قسيـــــت .... كل شي درتا فيك ما قدرت

كان عالوفاء يعلم الله وفيــــت .... وكان عالغلا ما يوم نا قصرت

في ما مضى واجد أمعاك بكيـــــت .... حتى الزها في دنيتي حرمــــــت

حبيت لكن مالزعل مليــــــت .... القيت الخساير عرم وين حصرت

ما تنصدم لو قلت توة أنسيـــــت .... حاولت وين كثرن أخطاك أقدرت

ماعاد مطرح للصفاء خليـــــــــت .... أيامآ أنغامر فالغلا غامرت

توة ورايا كل شي رميـــــــت .... منك حواسي كلها حررت

،،**،،**،،**،،

قرار خذيتـــــه ....... اللي بينا رسمي خلاص نهيتــــــــه

ذل وشقا للقلب كله القيتـــــه ..... عطيتك وفاء وأنت غلاي نكرت

مالعقل ماضيك خلاص محيتــــه .... أكرهتك وصلت الحد ما أستحقرت

هضاك مات يللي فالغلا ذليتــــــه .... غلطة ومستحيل لو كررت

وتوة الماضي بالعذاب أنسيتـــــه .... ف دنيا جديدة هادية باشرت

أسكر أشتراكك أمعاي لغيتـــــه .... ما أتلومني في شي أنت أخترت


،،**،،**،،**،،

للشاعر : حازم الصبيحي


منقووووووووووووووووووووول

والله ماعد فيها يازهرتنا

مشكــــــــــــــــــــــــــوره وبارك الله فيك