عائلات ضحايا طائرة ليبية يطالبون الحكومة بالكشف عن ملابسات س

من طرف **زهرة اللوتس** 2011-12-22, 8:18 pm

عائلات ضحايا طائرة ليبية يطالبون الحكومة بالكشف عن ملابسات سقوطها

طرابلس ـ طالبت عائلات ضحايا الطائرة الليبية التي تحطمت بالقرب من مطار طرابلس عام 1992، الحكومة الليبية الجديدة بالكشف عن ملابسات الحادث الذي راح ضحيته 157 راكباً.
ونظمت عائلات الضحايا، اليوم الخميس، وقفة إحتجاجية وسط العاصمة طرابلس، بالتزامن مع الذكرى الـ19 لتحطم الطائرة، التي كانت في رحلة داخلية من بنغازي إلى طرابلس.
وحمّل المحتجون نظام العقيد الراحل معمر القذافي مسؤولية إسقاط الطائرة، في محاولة للتأثير على العالم بعد فرض عقوبات إقتصادية وحظر الطيران على ليبيا على خلفية قضية لوكربي.
وطالبوا المجلس الإنتقالي والحكومة بملاحقة المسؤولين عن الحادثة، من "أعوان النظام السابق"، قضائياً داخل ليبيا وخارجها.
يشار إلى أن الطائرة التي تحطمت قرب مطار طرابلس عام 1992، راح ضحيتها 157 راكباً معظمهم من الليبيين إضافة الى عدد من الأجانب من جنسيات مختلفة. "يو بي اي"

من طرف hosen agiala 2011-12-22, 11:39 pm

توا وقته ياناس الشى هدا فى ضروف زى هده الصبر يارب حرام عليكم ياعالم أتقو الله فى أنفسكم وفى البلاد

من طرف محمد اللافي 2011-12-22, 11:54 pm

صح كلامك الصبر بس الصبر علي شنو فيش ايديرو المجلس وريني خطوة وحده دارها المجلس للشعب
علاج الجرحي من منظمه الصحه العالمية من اموال ليبيا المجمدة وللاسف استغلوها ناس من المجلس وخشو باسم شركات للتعاقد مع المستشفيات
غيرة شنو دار المجلس الي دعم المليشيات المسلحه ولي توا وحل فيها

من طرف **زهرة اللوتس** 2011-12-23, 1:25 pm

والله امتى بيحكوه...المجلس...!!!!نااااااائم في العسل...والوثائق الي كل يوم تطلع على عضو منهم....اتخليك اتقول غير هيك...والله يبي اعادة نظر فيه!!!!!!!!!!!! من اول وجديد..

بارك الله فيكم.للتواجد والمرور الرائع..وفقكم الله

من طرف التمساح 2011-12-23, 1:56 pm

اين كانو نايمين طول 19 سنه ليش ماتقدمو بشكوه رسميه علي الاقل في لدي المنضمات المتخصصه دوليأ ولو تحت سريه عدم كشف الاسماء لمن تقدمو بالشكوي ....والشي الاخر بالنسبه للدوله الجديده الصبر بالتأكيد من اجنداتها مثل هذه الانتهاكات الغير اخلاقيه ولا ننسي المرحوم ابراهيم بكار المغدور يه لكونه ابتدا التحقيق جدي في هذه الفاجعه ....شكرأ

من طرف **زهرة اللوتس** 2011-12-23, 2:14 pm

ومن يقدر يحكي في 42 عاام.الي فاتوه.في عهد,,,المقبور.لا احد.الي يحكي تنقطع رقبته.وفي جرته العائلة بالكامل.!!!..وانت جبت مثال المرحوم بكار بدا يحقق..شنو صار فيه.ومن سبب اغتياله..!!!

من طرف محمد اللافي 2011-12-23, 2:22 pm

علي فكرة حتي توا في قطع روس عيني عينك وتمشي في طابور خامس
زمان كان في بو سليم توا في :
معسكر 17 فبراير قائم بالواجب واكثر

من طرف التمساح 2011-12-23, 2:47 pm

يا ابله انا قلت الشكوي لدي منضمات دوليه وتكون تحت السريه لمن يقدم الشكوي علي الاقل للتشهير بالطاغيه الذي كان يغطي علي مثل هذه الجريمه تحت بند الحصار ونقص قطع الغيار ...يالله اللي فات مات وايش اسوي بس
زهرتنا المميزه مشكور علي الجهد الطيب ....