الله يرحمك ويسامحك * بوحدوث *

من طرف محمد اللافي 2011-12-28, 2:40 pm

انريدوا أشهادة حق يامصراته **ولدنا نقص شى يوم قبل أماته
انريدوا أشهادة حق يارجاله **ولدنا نقص شى يوم فى ما قاله
وانتو اشهوده فى جميع افعاله **والله والنبى سهروا على ميزاته
الله والنبى قولوها **أوراها شهادة حق لاتكنوها
انكان زين زين اوزينته نبوها **رصيد ال ضناه أيزيد ذكرياته
وانكان عفن قدام العرب وروها **بيش يسكتن من تو بكاياته
انشق اوجاكم **نلقاها انه دار البيان امعاكم
عطا دور دون الوطن كيف ضناكم **ربط شرقنا بالغرب ما هاساته
ودون ليبيا راه الشهيد أفداكم **الله يرحم المرحوم حد حياته
كلا عزانا فيه كيف عزاكم **ما من اللى قبله الموت خذاته
مامن تريس عدو شهاد** قعدن اخبارهم كيف شلال عماد

من طرف نسمة حب 2011-12-28, 2:57 pm

شكرا بارك الله فيك

رحمة الله عليه

من طرف كوجا جينوسكي 2011-12-28, 2:59 pm

رحمه الله عليه ونسال الله ان يسكنه وشهدائنا جنان الخلد

بارك الله فيك يا محمد

من طرف محمد اللافي 2011-12-28, 3:02 pm

فيكم بارك الله
لكم كل الشكر والتقدير

من طرف ولد الجبل 2011-12-28, 3:22 pm

بارك الله فيك أخي محمد أنت مجاهد بالكلمة الطيبة في كل المجالات ورحم الله شهداء ليبيا .... وكبار السن وذو المقامات والمراكز العالية كان عملهم جهادا حقيقيا لا من أجل مكانة دنوية ولا مكاسب مادية لأنهم ليسوا في حاجة لها وإنما جهاد في الله حقا ........ اسكنهم الله في عليين وندع لهم بالرحمن في كل حين.

شكرا وتقبل تحياتي

من طرف محمد اللافي 2011-12-28, 3:25 pm

ولد الجبل كتب: وكبار السن وذو المقامات والمراكز العالية كان عملهم جهادا حقيقيا لا من أجل مكانة دنوية ولا مكاسب مادية لأنهم ليسوا في حاجة لها وإنما جهاد في الله حقا ........ اسكنهم الله في عليين وندع لهم بالرحمن في كل حين.

اللهم امين يارب
دائما ردك عبرة وعظه وفائدة بارك الله فيك وجزاك الله عنا خيرا

من طرف meme almansory 2011-12-28, 6:48 pm

الله يرحمه ويسامحه ويجعل مثواه الجنه.
ماتنسش ياخوي محمد من الي قال الشعر
الشاعر الكبير حسن بودرديه المنصوري
وبارك الله فيك

من طرف بنت طبرق الحرة 2011-12-28, 7:06 pm

رحمه الله عليه ونسال الله ان يسكنه فسيح جناته

مشكـــــــــــــور اخـــــــــــي....

من طرف محمد اللافي 2011-12-28, 8:31 pm

انا والله ماعرفت من كاتبة الشعر بس بارك الله فيك علي المعلومه اختي
ولكم كل الشكر علي المتابعه

من طرف **زهرة اللوتس** 2012-01-08, 9:58 am

الله يرحمه ويرحم جميع شهداءنا ا..
منور..مزيدا من الابداع.وفقك الله

من طرف اسماعيل ادريس 2012-01-08, 10:05 am

قدم نفسه في سبيل الوطن وحارب واستشهد في مدينه نكروا جميله ولم يذكروه
ابدآ ولكن سواء ذكروه او لم يذكروه فالتاريخ لن ينساه ولن يرحم اي ناكر جميل
وجاحد..........................
مشكور يابواللافي

من طرف محمد اللافي 2012-01-08, 1:00 pm

مشكورة اختي لوتس علي المتابعه بارك الله فيك
اجرة علي الله سبحانه وتعالي ايسد انه خط اسمه علي شرف العبيدات والشرق وليبيا كلها هذي في الدنيا اما الاخرة نسأل الله سبحانه وتعالي ان يحسبة من الشهداء الابرار والحق يقال عرب مصراته ما نكروة وماتاخذ علي الي اتنطرو قدام الكامرة عرب مصراتة الاحرار ولي نعرفهم انا ما ينسوة وما ينسو خوتهم في الشرق ولا الغرب ولا الجنوب ليبيا مازال فيها رجالة احرار من كل مكان ومن كل قبيلة

من طرف **العاشق الصغير** 2012-01-08, 1:08 pm

مشكـــــــــــــــــــــــور وبارك الله فيك

من طرف محمد اللافي 2012-01-08, 6:20 pm

العفو خوي العاشق مشكور علي المتابعه

من طرف pure heart 2012-02-19, 1:35 am

مشكور يا بو لافي

جيت على الجرح....... الله يرحم العميد علي العبيدي و يغفر له إن شاء الله أجره حاصل عند الله ....

اليوم شفت وثائقي في الجزيرة لم يذكر فيه أبدا إن مصراتة تلقت دعما من برقة و أخواتها....... الله المستعان

من طرف اسماعيل ادريس 2012-02-26, 5:34 pm

ولا عمرهم قالوها اختي
لكن دعم الشرق من مال وسلاح وذخيره ورجال موش علي شانهم
لكن علي شان ليبيا....
ومن اول يوم شموا فيه نفسهم انكروا جميع الدعم وقالوا حررنا ارواحنا بارواحنا
والتاريخ لن يرحم اي ناكر جميل ولن ننسى موقفهم هذا ما حيينا ....
واكبر دليل على ذلك خروج اللواء البراني اشكال والذي تحدث عن حقائق
كثيره لم نكن نعرفها ولا نعلمها....
رحم الله ابطال ليبيا وشهدائها....

الله يرحمك ويسامحك * بوحدوث *

الله يرحمك ويسامحك * بوحدوث *

رد: الله يرحمك ويسامحك * بوحدوث *

رد: الله يرحمك ويسامحك * بوحدوث *

رد: الله يرحمك ويسامحك * بوحدوث *

رد: الله يرحمك ويسامحك * بوحدوث *

رد: الله يرحمك ويسامحك * بوحدوث *

رد: الله يرحمك ويسامحك * بوحدوث *

رد: الله يرحمك ويسامحك * بوحدوث *

رد: الله يرحمك ويسامحك * بوحدوث *

رد: الله يرحمك ويسامحك * بوحدوث *

رد: الله يرحمك ويسامحك * بوحدوث *

رد: الله يرحمك ويسامحك * بوحدوث *

رد: الله يرحمك ويسامحك * بوحدوث *

رد: الله يرحمك ويسامحك * بوحدوث *

رد: الله يرحمك ويسامحك * بوحدوث *

رد: الله يرحمك ويسامحك * بوحدوث *