رســــــــــــــــــاله للمتسلقين...

من طرف شموخ انثى 2012-01-03, 8:35 pm

السلام عليكم جميعآ هذي رسالة ألى المتسلقين

من الشعراء والفنانين اللي يسلقوا توة أنشالله توصلهم

كنتوا ويــــن ..... يوم سبعطاش أثنين مختفييـــــن

تسلقوا جايين كنتوا ويـــــــــن

ليش طلعتـــوا ..... للطاغية كلكم زمان ركعتــــــوا

الثورة بعد نجحت اليوم طمعتــــوا .... ما تضحكوا عالناس مفضوحيــــن

مسكتوا العصا مالنص كي لي بعتـــوا ... بعد مات جيتوا جري صفاقيـــن

أيام الكتيبة ليش ما بدعتـــوا .... كنتوا أمعاه أنصار يا خايفيـــــن

وين جاء أبجيشه كلكم ودعتــــوا .... للمصر عديتولها هاربيــــن

ما أنلومكم منا زمان شبعتـــوا .... بعد طاح جيتوا طول جعانيـــــن

ما تفرحوا ممكن زمان خدعتـــوا .... لاكن الناس اليوم منتبهيـــن

كلكم أبنفس القول لما ضعتــــوا .... أتقولوا أنقنا فيه مخدوعيــــن

بعد مات نحلف كلكم دمعتـــوا .... أمغير المصالح ما أيريدن ديــــن

حاير فيكــــــم ..... تسلقوا ناسيينه ماضيكـــــــم

لهفتوا سرقتوا سادكم يكفيكــــم .... راكم أفعين الناس خوانيــــن

تنحوا خلاص أفجنب عيب عليكـــم .... طلعوا شباب اليوم مبدعيــــن

كيف ما كرستوا أكرسوا خليكــم .... للأسف منظركم أن بنتوا شيــــن

مش قبل كان الطاغية شاريكــــم .... أوياما هتفتوا قيسكم ناسييــــن

أوفي خيمتا ياما تونس بيكــــم .... أوكل عيد تجروا أتقبلوا ليميــــن

مازال لاصق دمنا في أيديكــــم .... أرجوه بالك ينغسل بعديـــــن

لو دمنه مالغفل ما أيوعيكــــم .... أمتا أتفوقوا بس يا راقديــــــن

ليش كرستــــوا ..... بعد ما الطاغي طاح توة بنتــــوا

بدايت الثورة خيركم سكتــــوا .... للحكم يرجع قيسكم عابييــــن

يكفي خلاص الشعب كله خنتـــوا .... فعلآ أتقنتوا اللعب عالحبليــــن

تذكروا يوم سبعطاش أيش كنتـــوا .... أوتذكروا من قبل شن كاينيــــن

غلبتوا الحربة أبكذبكم لونتـــوا .... أوعالخظر زدتوا أفشعركم لونيـــن

وأهلال وسطة أونجمته دكنتـــوا .... أبسرعة بقيتوا اليوم ثورييـــــن

بعد ما السفينة أغرقت وأطمنتـــوا .... منها قفزتوا كلكم ناجييـــــن

بس المصيبة فالجديد ضمنتــــوا.... أوكل خيركم ماللولي واخذيــــــن

بس المصيبة فالجديد ضمنتـــوا .... أوكل خيركم ماللولي واخذيــــن