يوميات :الحاج بلقاسم.. و20 مليار دولار امريكي

من طرف **زهرة اللوتس** 2012-01-11, 7:27 pm

قاسم: سمعت يا حاج، هاليومين استلمت ليبيا 20 مليار دولار امريكي ومبيعات النفط في ثلاثة شهور وصل اتنين مليار ونص يا حاج
عارف قداش بيطلعك منهم لو يبوا اوزعو الثروة ؟؟؟ عارفك ما تقدرش تحسب الارقام الكبيرة زي اني انخلوها للكبار يا حاج والرقم مازال يكبر
الحاج بلقاسم: يطلع لكل مواطن شكارة((صبر)) ويحطها فى احسابة اللى صابر عليه اكثر من اربع عقود...حتى النظام الاول مرة مره ايجيب فى مبيعات النفط لكن وينها فى الاخير طلعت عند فلان وفلان...واصبر ياليبيى.
قاسم: بس يا حاج المسيولين قالو كل هالشكاير قصدي هالفلوس تبي تمشي لصيانة مؤسسات الدولة، على خاطر دمرتها حرب التحرير، بس يا حاج ما فيش ميزانية محدد للصيانة ولا في جودل زمني، يعني الحكاية معلقة من رجليها والشكارة مفتوحة، بس بين المعلق والمفتوح وين ماكانه الصبر يا حاج.
الحاج بلقاسم: المشكلة ان المجلس الانتقالى لم ينشر حتى الان تقرير مصروفات اعظاء المجلس اللى وعد بها الليبين وهذا ما يضع علامات استفهام كبيرة امام المواطن اللى يسمع بالملايين فى الاناشيد والنشرة فقط.
قاسم: ويا ما تسمع في النشرة يا حاج، اخر ما سمعت ان المجلس الانتقالي قرر الغاء كل اللجان الطبية اللي تقدم في الخدمات الطبية في العالم كله ، عارف ليش، قالت التقرير متع وزارة الصحة اثبت فساد مالي كبييير في بعض هذه اللجان والجرحى والمرضى اللي مشرتعين في الخارج ليهم رب كريم.
الحاج بلقاسم: ايييه، الصبر الصبر، اربعين عام صابيرن خلينا نزيدهم شوية ونشوفوا،،،، ولما انشوفوا مرات انقولوا غر شن درنالهم يا حبيبتي
عن..:جمهورية شن درنالهم يا حبيبتي